Agata Kristi, “Mbretëresha e Krimeve” me 70 romane

113 563 lexime

120,178FansaPëlqeje

Agata Kristi (Agatha Christie) është shkrimtare angleze e cila është e njohur për romanet e saj të zhanrit kriminalistik. Për këtë arsye, shumëkush e ka quajtur atë si “Mbretëresha e Krimeve” dhe “Mbretëresha e Misterit”. Ajo lindi më 15 shtator 1890 në Torquay të Anglisë, kurse vdiq në moshën 86 vjeçare më 12 janar 1976.

Veprat e saj si “Vrasja në Ekspresin e Orientit” (Murder on the Orient Express) dhe “Misteri i Trenit të Kaltër” (The Mystery of the Blue Train), e vendosën atë në mesin e kryesuesve të listës së autorëve më të shitur të të gjitha kohërave. Gjatë karrierës së saj 56 vjeçare, ajo i shkroi rreth 70 romane dhe 165 tregime të shkurtra kriminalistike. Po ashtu, ajo i ka shkruar edhe disa vepra teatrale, prej të cilave, më e njohura është “Kurthi për Minj” (The Mousetrap), e cila është shfaqur mbi 25.000 herë dhe si e tillë është një prej dramave më të shfaqura ndonjëherë. Për herë të parë “Kurthi për Minj” u shfaq në vitin 1952.
Kjo autore ka shkruar edhe romane të dashurisë si dhe kujtime. Veprat e saj janë përkthyer në 50 gjuhë, në mënyrë që të këta libra të mund të lexohen nga lexuesit në mbarë botën.

Personazhet, apo më mirë të themi detektivët më të famshëm, të Agata Kristit janë Hercule Poirot (Herkul Poaro) dhe Miss Marple (Zonjusha Marple), të cilët paraqiten në dhjetëra romane dhe tregime të shkurtra të saj. Poirot, paraqitet në veprat “Vrasja e Roxher Akrojd” (The Murder of Roger Ackroyd), “Misteri i Trenit të Kaltër” (The Mystery of the Blue Train), dhe “Vdekja në Re” (Death in the Clouds). Kurse, detektivja Miss Marple paraqitet në romanet “Gishti Lëvizës” (The Moving Finger), “Xhepi Përplot Thekër” (A Pocket Full of Rye). Personazhi i Miss Marple është luajtur, në realizimet në ekranin e vogël, nga aktoret si Anxhela Lansbury (Angela Lansbury), Helen Hejs (Helen Hayes) dhe Xheraldinë Mekeuan (Geraldine Mcewan). Personazhe të tjera të famshme nga romanet e Agata Kristit janë Tupense (Tuppence) dhe Tomi Beresford (Tommy Beresford), Koloneli Rejs (Colonel Race), Parker Pajn (Parker Pyne) dhe Ariadne Oliver (Ariadne Oliver).
Agata Kristi vdiq nga shkaqe natyrore më 12 janar 1976, në shtëpinë e familjes së saj në Winterbrook House (Uinterbruk Haus) në qytezën e Wallingford (Uallingford). Një vit pas vdekjes së Agata Kristit, bashkëshorti i saj Maks Mallouan (Max Mallowan) u martua sërish me një kolege arkeologe. Ndonëse pak para fundit të jetës së Agata Kristit qarkullonin fjalët për një lidhje të Maksit me këtë femër, çifti bashkëshortor nuk u mor me këto thashetheme, dhe asnjëherë nuk u dëshmua se Maks e kishte tradhtuar me të vërtetë Agatën. Maks vdiq një vit pas martesës së tij të dytë.

Lexo edhe :  Horoskopi ditor, e mërkurë 11 maj 2022

Përndryshe, të gjithë adhuruesit e Agata Kristit, sot mund të marrin me qira shtëpinë e saj, për të parë se si jetonte dikur autorja e tyre e preferuar. Aty gjenden ende të gjitha gjërat e vjetra, mobilet dhe madje edhe pianoja në të cilën dikur luante Agata Kristi.


Të fundit

Borrell: Duhet të hapim negociatat me Shqipërinë para përfundimit të presidencës franceze

Përfaqësuesi i Lartë i BE, Josep Borrell ka bërë një deklaratë për mediat pas takimit të ministrave të jashtëm...

Demokrati nga Kukësi i shpreh dashurinë Berishës: Të kam në zemër, me ty deri në vdekje

Gjatë takimit të Berishës në Kukës, njëri prej mbështetësve të tij i ka shprehur dashurinë. Ai i tha Berishës se atë e thërrasin Muharrem...

CNN mbi “rusifikimin” e sistemit arsimor të Ukrainës: Nën tytën e automatikut ata…

Kur ushtarët rusë të maskuar plaçkitën shtëpinë e Ninës në Ukrainën verilindore në orën 6 të mëngjesit të një dite në fund të prillit,...

Po ngjiteshin në Malin e Çikës, bien dy turistë holandezë

Dy turistë holandezë janë bërë protagonistë të një incidenti pasditen e sotme teksa janë ngjitur në Malin e Çikës. Raportohet se dy turistët kanë...

Startojnë zgjedhjet e reja në PS, Rama: Arsyeja themelore për ta zhvilluar këtë proces…

Startojnë zgjedhjet e reja në strukturat e Partisë Socialiste. Kryeministri Edi Rama ka folur sot në takimin e Këshillit koordinues të qarkut Tiranë “Arsyeja themelore...

Lajme të tjera

Web TV