Policia Rrugore kontrolle në gjithë Shqipërinë, arrestohen 10 shoferë dhe gjobiten mbi 700 të tjerë

113 563 lexime

106,048FansaPëlqeje

Policia e Shtetit ka publikuar të dhënat e fundit sa i përket gjobave dhe pezullimeve të vendosura ndaj shoferëve që nuk respektojnë rregullat rrugore.

Në njoftimin e tyre, bëhet me dije se gjatë 24 orëve të fundit janë arrestuar 10 shoferë, 3 për drejtim mjeti pa patentë dhe 7 të tjerë për drejtim makine në gjendje të dehur.

Po ashtu janë pezulluar 44 leje drejtimi si dhe janë vendosur qindra gjoba.

Njoftimi i Policisë:

Policia e Shtetit

Në të gjithë vendin vijojnë kontrollet intensive për evidentimin dhe ndëshkimin e atyre drejtuesve të automjeteve dhe motomjeteve që abuzojnë me rregullat e qarkullimit rrugor duke rrezikuar përfshirjen në ngjarje rrugore me pasoja për jetën.

Edhe gjatë 24 orëve të fundit, janë konstatuar përsëri shumë drejtues mjetesh, që kanë tejkaluar shpejtësinë më shumë se limiti i lejuar dhe drejtues që kanë drejtuar mjetet nën efektin e alkoolit apo në gjendje të dehur.

👉Janë arrestuar në flagrancë 10 drejtues mjetesh dhe motomjetesh, nga të cilët, 3 për drejtim mjeti pa leje drejtimi dhe 7 për drejtim mjeti në gjendje të dehur.

👉Janë pezulluar 44 leje drejtimi, nga të cilat 27 për shpejtësi mbi normat e lejuara dhe 17 për drejtim mjeti nën efektin e alkoolit apo në gjendje të dehur.

👉Po si rezultat i kontrolleve dhe denoncimeve të adresuara nga qytetarët në Komisariatin Dixhital dhe në nr 112, janë ndëshkuar me masë administrative, në të gjithë vendin, 768 drejtues mjetesh, për shkelje që sjellin pasoja në jetën dhe shëndetin e përdoruesve të rrugës.

Policia e Shtetit, nisur nga fakti se përgjatë fundjavës në akset rrugore në drejtim të zonave bregdetare dhe turistike, vijon të ketë fluks të lartë të automjeteve, si dhe nga fakti i prezencës së lagështirës në rrugë, apelon për të gjithë përdoruesit e rrugës që të respektojnë rregullat e qarkullimit rrugor, të mos shpejtojnë dhe të mos kryejnë parakalime të gabuara e manovra të rrezikshme në rrugë, të mos përdorin celularin gjatë drejtimit të mjetit, të mos drejtojnë mjetin nën efektin e alkoolit apo në gjendje të dehur, të vendosin rripin e sigurimit dhe kaskën mbrojtëse, pasi në të gjitha rrugët e vendit ka radarë📹📸 dhe prezencë të Policisë Rrugore🚔👮🏻, të pajisur edhe me dronë, dragera📟, kamera 📹 e aparatë fotografik.

Lexo edhe :  Shpërthen bombola e gazit në një banesë në Shijak, lëndohen 3 familjarët

Njëkohësisht, Policia e Shtetit fton qytetarët që të denoncojnë në numrin 112 dhe në Komisariatin Dixhital, çdo shkelje të Kodit Rrugor, duke iu garantuar anonimat të plotë dhe një reagim të shpejtë dhe profesional.

#MosUbejStatistikë📉

#RregullKujdesDurimDestinacion

#NeJemiAtyPërSigurinëTuaj🚔


Të fundit

Policia Rrugore kontrolle në gjithë Shqipërinë, arrestohen 10 shoferë dhe gjobiten mbi 700 të tjerë

Policia e Shtetit ka publikuar të dhënat e fundit sa i përket gjobave dhe pezullimeve të vendosura ndaj shoferëve...

COVID-19/ Ministria e Shëndetësisë: 849 raste të reja, 5 humbje jete në 24 orët e fundit

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Çdo qytetar mbi 18...

Nuk mjaftojnë grushtet në ring, sherr masiv pas finales së boksit në Shkodër (Video)

Ndeshja u fitua nga Kajoshi i Vllaznisë, por tifozët, trajnerët dhe boksierët e Tiranës nuk ishin dakord me këtë rezultat duke bërë që përveçse...

E rëndë në Napoli/ 4-vjeçari bie nga ballkoni dhe humb jetën, akuzohet punonjësi i familjes

Një ngjarje e rëndë është shënuar në Napoli të Italisë. Mediat përtej Adriatikut shkruajnë, se sanitari 38-vjeçar, Mariano Cannio, dyshohet se ka hedhur nga...

“Më kanë grabitur”/ I riu në Tiranë mashtron policinë, i thotë se e kanë kërcënuar me armë, ja si qëndron e vërteta

Policia e Tiranës ka proceduar penalisht 2 të rinjtë, Ramazan Shahini, 31 vjeç dhe Maljon Hoxhaj 33 vjeç, të akuzuar për veprën penale “dëmtime...

Lajme të tjera

Web TV