Inskenoi zhdukjen e tij në Pukë, ja si u zbulua biznesmeni në ishullin e Italisë

113 563 lexime

106,048FansaPëlqeje

Të dielën e kaluar, për herë të parë pas 8 muajsh, nga llogaria bankare e sipërmarrësit italian, Davide Pecorelli, u tërhoq një shumë parash. Fakti që dikush tërhoqi para nga një bankomat në Romë me kartën bankare të Pecorellit, shtoi dyshimet e hetuesve italianë se ai ishte gjallë dhe nuk ishte zhdukur në Shqipëri 8 muaj më parë.

Por pavarësisht dyshimeve, autoritetet nuk kishin rënë në gjurmët e tij, deri të shtunën e 18 shtatorit, kur një incident me varkë ka zbardhur misterin e zhdukjes së sipërmarrësit Italian.

Një person ka njoftuar policinë se i kishte ardhur në ndihmë Davide Pecorellit, pasi motori i varkës së tij ishte djegur në ishullin e Montecristos. Ai e ka njohur biznesmenin, pavarësisht ndryshimeve që kishte bërë në pamjen e tij të jashtme. Siç duket, fotoja e publikuar për muaj me radhë në të gjitha mediat, kishte shërbyer për diçka.

Pas kësaj, prokurorët mbërritën në ishull, ku zbuluan se bëhej fjalë për biznesmenin italian që u zhduk në Pukë, ku makina e tij u gjet e shkrumbuar nga flakët. Davide Pecorelli ishte pajisur me dokumente false dhe duket se ka inskenuar zhdukjen e tij, për arsye që pritet t’ua rrëfejë hetuesve.

 

 

Gjithsesi, sipas autoriteteve italiane, Davide Pecorelli është një njeri i lirë, pasi ndaj tij nuk rëndon asnjë akuzë, përveç mbajtjes së dokumenteve false. Edhe në rast se e ka djegur ai makinën në Pukë, ky është një krim që ka ndodhur në Shqipëri.

Teksa të gjithë presin të zbulojnë arsyet që e shtynë për të inskenuar zhdukjen e tij, Davide Pecorelli u ka thënë gazetarëve vetëm një fjali: “Duhet të kthehem te fëmijët e mi”.


Të fundit

Inskenoi zhdukjen e tij në Pukë, ja si u zbulua biznesmeni në ishullin e Italisë

Të dielën e kaluar, për herë të parë pas 8 muajsh, nga llogaria bankare e sipërmarrësit italian, Davide Pecorelli,...

Ambasada amerikane ndan mesazhin e epidemiologes, ja si të parandaloni Covid-19

Me mesazhin nga epidemiologjia Melissa Perry, se të gjithë duhet të vaksinohemi për t’i dhënë fund pandemisë së COVID-19, e ka nisur ditën Ambasada...

Vrau gruan dhe më pas veten, flasin të afërmit e çiftit në Divjakë: Fukarallëk, gjendje e dobët ekonomike

Vrasja e një 45-vjeçareje nga bashkëshorti dhe më pas vetëvrasja e autorit të krimit kanë tronditur fshatin Babunjë në Lushnjë. Askush nuk dinte për probleme...

Arkivat e gjykatave zbulojnë marrëdhënien e Johnny Depp me të ëmën

Nga arkivat e gjykatave me qëllim për të realizuar një dokumentar mbi të shkuarën e aktorit të njohur, Paul Barresi ka mbledhur të dhëna...

Arrestohet italiani në Kakavijë, ja çfarë zbuloi policia gjatë kontrollit

Një i ri italian është ndaluar nga autoritetet në Kakavijë pasi iu gjet lëndë narkotike në automjet. Shërbimet e Policisë Kufitare Kakavije, në dalje të...

Lajme të tjera

Web TV