Donald Trump ka paditur mbesën e tij dhe gazetën amerikane “New York Times”, për përfshirje në komplot tinëzar” me qëllim për të siguruar dokumente konfidenciale. BBC shkruan se në 2018 është shkruar një artikull ku pretendohej se ish-presidenti i SHBA-ve ishte i përfshirë në skema të dyshimta me taksa.
Në padi pretendohet se zonja Trump ka shkelur një marrëveshje e cila ia ndalonte zbulimin e dokumenteve. Ajo vetë kishte pranuar se ka qenë burim i lajmit të gazetës. Trump vazhdimisht i ka mohuar pretendimet që janë paraqitur në librin e mbesës dhe nuk kishte arritur që ta parandalonte botimin e tij, ndonëse kishte paraqitur padi për këtë qëllim.
Në një padi të re të paraqitur në një gjykatë shtetërore, gazetarët e gazetës “New York Times”, Susanne Craig, David Barsto dhe Russell Buettner, akuzohen për kontakte dhe punë me mbesën e ish-presidentit me qëllim të hakmarrjes personale kundër tij.
Një zëdhënëse e gazetës së njohur në SHBA e në mbarë botën tha se padia e ish-presidentit Trump është përpjekje për t’ua mbyllur gojën organizatave të pavarura mediale.
