Një 24-vjeçar nga Durrësi ka rënë në prangat e Policisë ditën e sotme në Korçë, i cili u kap duke transportuar me makinë tre emigrantë të jashtëligjshëm.
I riu me inicialet S.M., u ndalua në aksin rrugor Korçë-Pogradec, ndërsa emigrantëve i kishte marrë nga 200 euro me premtim kalimin drejt vendeve të BE-së.
Nga verifikimet e kryera rezultoi se ai drejtonte mjetin pa patentë. Materialet në ngarkim të tyre i kaluan Prokurorive të Rretheve Gjyqësore Pogradec e Korçë për veprime të mëtejshme.
