Ai është grupi më i famshëm irlandez në botë i muzikës rock, U2 është një grup muzikor i themeluar në shtatorin e vitit 1976, i cili përbëhet nga Bono, The Edge, Adam Clayton dhe Larry Mullen Jr. Grupi u formua në vitin 1976 kur anëtarët ishin adoleshentë dhe kishin aftësi teknike të kufizuara. Sidoqoftë, nga fillimi i viteve 80, ata u bënë një nga grupet më të famshëm të botës, të njohur për zërin e tyre himnor, vokalin e pasionur të Bonos dhe lojën melodike të kitarës nga “The Edge”.
Suksesi i tyre në koncerte live ishte më i madh se suksesi i shitjeve të albumeve deri në vitin 1987, kur doli në shitje “The Joshua Tree”. Revista Rolling Stone deklaron se ky album i shndërroi ata “nga heronj në superyje”. U2 iu përgjigjën revolucioneve të muzikës dance dhe rokut alternativ, si dhe stanjacionit te tyre duke rikrijuar në një fare mënyre vetveten me albumin e vitit 1991 Achtung Baby si dhe me turneun Zoo TV. Eksperimentime të ngjashme vazhduan gjatë tëre viteve 90.
Që nga viti 2000, U2 kanë ndjekur një drejtim muzikor më tradicional, që ngjet me punët e tyre më të hershme. U2 kanë shitur më shumë se 140 milione albume në tërë botën, dhe kanë fituar 22 Grammy Awards, më shumë se çdo grup tjetër. Në vitin 2005, grupi u bë pjesë e Holli i Famës në Rok and Roll, po atë vit kur dhe u propozuan për të. Revista Rolling Stone e radhiti U2-në vendin e 22-të në listen e saj të 100 artistëve më të mirë të të gjitha kohërave. Gjatë karrieres së tyre, anëtaret e grupit kanë zhvilluar fushata për Të Drejtat e Njeriut dhe drejtësi shoqërore, duke përfshirë pjesëmarrjen në Amnesty International, ONE Campaign, dhe DATA.