Kryeministri Edi Rama ka mbërritur në Prishtinë, në kuadër të vizitës së tij zyrtare. Kreu i qeverisë shqiptare është pritur me ceremoni shtetërore nga kryeministri i Kosovës, Albin Kurti.
Kjo është vizita e parë e Ramës në Kosovë, pas fillimit të mandatit të tretë. Ishte kryeministri Albin Kurti që ftoi Ramën dhe ky i fundit pranoi menjëherë ftesën. Në këtë vizitë kryeministri shoqërohet edhe nga anëtarë të tjerë të kabinetit qeveritar.
Sipas axhendës, pas pritjes ceremoniale dy kryeministrat do të mbajnë edhe një konferencë të përbashkët për mediat në orën 10:20. Gjithashtu, Rama pritet të takojë edhe krerët e partive opozitare në Kosovë.