Vendi ynë do të ndikohet nga vranësira dhe reshje shiu në pjesën e parë të ditës, ndërkohë që mbrëmja pritet të përmirësoje gradualisht kushtet atmosferike.
Sipas MeteoAlb vijon ndikimi i motit të paqëndrueshëm ku vranësirat e shpeshta mbizotërojnë në të gjithë republikën e Shqipërisë. Këto kushte atmosferike mbeten deri pasdite kur pritet zhvillim i vranësirave duke sjellë reshje shiu në vendin tonë. Herë pas here në zonat verilindore do ketë dhe rrebeshe afat shkurtra. Por mbrëmja dhe nata përmirësojnë gradualisht kushtet atmosferike në një pjesë të mirë të territorit megjithëse shirat mbeten të izoluar në zonat lindore.
Temperaturat e ajrit do të vijojnë të ulen në mëngjes dhe ndjeshëm në mesditë duke luhatur vlerat ditore nga 9°C deri në 26°C.
Era do të fryjë e lehtë dhe mesatare me shpejtësi 30 km/h kryesisht nga drejtimi Verilindor duke sjellë në brigjet e detit Adriatik dhe Jon dallgëzim 2 ballë.
