Kryeministri Rama zgjedh pasardhësin e Ardi Veliut, ja kush do të jetë drejtori i ri të Policisë

113 563 lexime

106,048FansaPëlqeje

Kryeministri Edi Rama ka hedhur firmën e emërimit të Gledis Nano si Drejtor i ri i Policisë së Shtetit. Gazetari i Top Channel, Muhamed Veliu raporton se zoti Nano është propozuar nga Ministri Bledi Çuci dhe kjo kandidaturë është miratuar nga kryeministri Edi Rama.

Vendimi për këtë emërim është pjesë e vendimeve dhe diskutimeve të cilat po zhvillohen në mbledhjen e qeverisë drejtuar nga zëvendës kryeministri Arben Ahmetaj.

Kandidatura e zotit Nano mëson Top Channel ka patur një mbështetje të fortë nga partnerët ndërkombëtarë.

Në muajin Gusht në emër të Qeverisë Amerikane, ambasadorja Yuri Kim i dorëzoi Gledis Nano, Drejtorit të Drejtorisë së Antiterrorit në Policinë e Shtetit një certifikatë vlerësimi.

Motivacioni lidhen me rolin dhe disa operacione të përbashkëta të suksesshme antiterrori me amerikanët drejtuar nga zoti Nano.

Në certifikatë shkruhet:

“Për partneritetin e jashtëzakonshëm dhe dedikimin në mbështetje të Ambasadës Amerikane në Tiranë Shqipëri, dhe përpjekjet e përbashkëta në luftën botërore ndaj terrorizmit. Vendosmëria juaj dhe përkushtimi në luftën kundër terrorizmit ka sjellë kredite të mëdha e të shtuara tek vetja juaj edhe për Drejtorinë e Antiterrorit dhe Policinë e Shtetit”.

Gledis Nano,Faleminderit, Ambasador Yuri Kim.

Dhënia e kësaj certifikate është njoftuar vetë ambasada amerikane përmes një mesazhi në Facebook.

“Më 17 gusht, Ambasadorja Yuri Kim dorëzoi një Çmim Vlerësimi për Gledis Nano, Drejtor i Anti-Terrorizmit në Policinë e Shtetit Shqiptar. Çmimi e vlerësoi Z. Nano për bashkëpunimin dhe përkushtimin e tij në mbështetje të përpjekjeve të përbashkëta të Ambasadës Amerikane me Policinë e Shtetit Shqiptar për të luftuar terrorizmin global. Ambasadorja Kim nënvizoi gjithashtu edhe bashkërendimin dhe bashkëpunimin e tij me të gjitha çështjet e Ambasadës për zbatimin e ligjit dhe ato kundër terrorizmit” thuhet në njoftim.

Lexo edhe :  Ministrja Kushi jep lajmin e rëndësishëm: Nga e hëna në të gjitha shkollat e vendit, do të zhvillohet mësim normal

I pyetur nga Top Channel si e komentonte këtë vlerësim amerikan për punën e tij dhe Drejtorisë së Antiterrorit Gledis Nano tha:

“Ky vlerësim më bën më shumë të motivuar për të rritur më tej shkallën e bashkëpunimit me agjencitë ligjzbatuese dhe të inteligjencës me partnerët tanë strategjik SHBA. Është një shenjë mirënjohje për rezultatet e punës së gjatë dhe të palodhur të të gjithë stafit të Drejtorisë së Antiterrorit në Policinë e Shtetit. Krah partnerëve të SHBA ndjehemi më të sigurtë për t’iu përgjigjur sfidave dhe fenomeneve të kohës” deklaroi zoti Nano.

Gledis Nano bashkë me kolegun Indrit Doda u dekoruan nga ish ministri Sandër Lleshaj në Dhjetor 2020, me Medaljen e Trimërisë pas futjes në kampin Al Hol dhe Roj të Sirisë ku identifikuan dhe mësa riatdhesuan disa gra e fëmijë shqiptarë.

Në drejtimin e anti terrorit shqiptar Gledis Nano ka udhëhequr shumë operacione të përbashkëta dhe të suksesshme me partnerët ndër vite.

Oficeri i karrierës Gledis Nano hetoi dhe çoi përpara drejtësisë grupin e imamëve udhëhequr nga Bujar Hysa të cilët rekrutonin dhe dërgonin në Siri qytetarë shqiptarë./Top Channel


Të fundit

Kryeministri Rama zgjedh pasardhësin e Ardi Veliut, ja kush do të jetë drejtori i ri të Policisë

Kryeministri Edi Rama ka hedhur firmën e emërimit të Gledis Nano si Drejtor i ri i Policisë së Shtetit....

Veliaj i jep “Çelësin e qytetit” zv.Kryeministrit të Malit të Zi: Etalon i politikës së mirë

Kreu i Bashkisë së Tiranës, Erion Veliaj priti në një takim Zëvendës Kryeministrin e Malit të Zi, Dritan Abazoviç, të cilit i dhuroi edhe...

Flori Qerkezi, herkuli shqiptar po çmend britanikët! Ngre një makinë me duar duke e mbajtur peshë

Flori Qerkezi është i riu shqiptar me banim në Britaninë e Madhe, që ka çmendur të huajt me forcën e tij dhe padyshim mund...

“Hyr ti i pari, jo hyr ti i pari”! Rama dhe kryeministri hollandez e “teprojnë” me mirësjelljen (Video)

Ditën e sotme, kryeministri Edi Rama ndodhet në Bërdo, për të marrë pjesë në samitin e organizuar mes vendeve të BE-së dhe atyre të...

Shpërthen ‘qejflia’ shqiptare: Meshkujt shqiptarë janë vetëm për gjumë! Janë të lodhur, s’të rregullojnë as poçin

Luljeta Nallbani, një prej personazheve më kontroversë të ekraneve shqiptare përsa i përket moshës së saj, ka bërë sërish bujë me deklaratat e saj. Beqarja...

Lajme të tjera

Web TV