Akuzohet për korrupsion, opozita austriake kërkon rrëzimin e kancelarit Kurz

113 563 lexime

124,178FansaPëlqeje

Qeveria austriake rrezikon të bjerë që prej momentit kur kancelari Sebastian Kurz u vendos nën hetim për korrupsion. Të Gjelbrit e Austrisë, partia e vogël në koalicion me qeverinë, paralajmëruan se mund ta prishin koalicionin e nënshkruar pas zgjedhjeve të 2019-ës me Partinë Popullore, duke rrezikuar kështu edhe udhëheqjen e Kurz.

Të tre partitë kryesore të opozitës kanë bërë thirrje për dorëheqjen e Kurz dhe po përgatisin një mocion mosbesimi kundër tij në parlament. Mirëpo këtu do të duhet që edhe të Gjelbërit të votojnë kundër Kurz, që të mblidhet shumica për ta shkarkuar.
Faktet duhet të vërtetohen plotësisht. Kjo është ajo që njerëzit në Austri presin. Ne nuk mund ta vazhdojmë koalicionin. Aftësia e kancelarit për të udhëhequr vihet në dyshim,” tha lideri dhe i të Gjelbërve, Werner Kogler në një deklaratë.

Një seancë speciale e Dhomës së Ulët të Parlamentit do të mbahet të martën për të diskutuar hetimin mbi Kurz, por ky i fundit i ka mohuar akuzat dhe refuzon të dorëhiqet.

Presidenti austriak Alexander Van der Bellen, i cili ka fuqinë për të shkarkuar kancelarin ose të gjithë kabinetin, zhvilloi një takim me liderin e të Gjelbërve, Werner Kogler. Ndërsa pritet që të takohet personalisht edhe me Kurz.

Ditën e djeshme hetuesit austriakë kanë bastisur zyrat e kancelarit austriak, Sebastian Kurz dhe partisë së tij OVP, pasi akuzohen për korrupsion. Nën hetim është vendosur edhe kancelari Kurz. Dyshimet për korrupsion kanë filluar pasi dyshohet që nga viti 2016 kur Kurz ka qenë ministër i Jashtëm dhe më vonë kur është bërë kancelar, Ministria e Financave ka paguar reklama në një gazetë, në këmbim të sondazheve dhe favorizimin e tij.

Të fundit

Dosja “5 D”/ Korrupsion dhe shpërdorim detyre, SPAK  lëshon 9 masa sigurie

Prokuroria e Posaçme kundër Korrupsionit dhe Krimit të Organizuar dha detaje për arrestimin e 9 personave, zyrtarë dhe ish-zyrtarë...

Horoskopi për ditën e sotme, 29 Mars 2024

Dashi Mund të keni bërë shumë shpenzime në të kaluarën dhe tashmë mund t’ju duhet të përballeni me pasojat. Si rezultat, mund ta gjeni veten...

“U largova nga futbolli pasi nuk e njihja më”,Klose: Të rinjtë e kanë mendjen tek makinat

Miroslav Klose është një nga ata që ka shkruar historinë me fanellën e kombëtares së Gjermanisë, por edhe Bayern Munich. I tërhequr nga futbolli...

Shtatzënia përshpejton plakjen, por ja çfarë ndhodh pas lindjes

Ndryshimet e thella fizike, hormonale dhe kimike që lidhen me shtatzëninë mund të bëjnë që ora e plakjes të kthehet më shpejt, duke i dhënë moshës biologjike të...

Lajme të tjera

Web TV