Inskenoi vdekjen në Shqipëri, biznesmeni italian Davide Pecorelli nën hetim për vjedhje

113 563 lexime

106,048FansaPëlqeje

Biznesmeni italian, Davide Pecorelli, i cili u gjet në ishullin Montecristo 9 muaj pasi u raportua i zhdukur, ku edhe u zbulua se të gjithë ngjarjen me djegien e makinës dhe eshtrat brenda në qytetin e Pukës në Shqipëri, e kishte inskenuar vetë, është nën hetim për vjedhje mallrash.

Lajmi bëhet sot i ditur nga mediat italiane, ndërsa shtojnë, referuar zyrës së prokurorit të Grosetos, se biznesmeni pecorelli e kishte gjetur thesarin me të vërtetë dhe kishte arritur në një mënyrë që të ishte në zotërim të tij.

“Unë isha duke kërkuar për thesarin e Kontit”, tha Davide Pecorelli, 45 vjeç, sipërmarrës dhe ish-gjyqtar futbolli në Arezzo. Dhe duket se ka pasur një të vërtetë në këtë histori.

Kundër sipërmarrësit “të zhdukur”, siç shkruan gazeta italiane “La Nazione”, është bërë një kallëzim penal me akuzën e vjedhjes së mallrave.

 

 

Kryevepra e Dumas

Thesari i Kontit të Montecristos nuk është asgjë më shumë se një koleksion monedhash ari që datojnë në shekullin e pestë pas Krishtit dhe që u vodhën në vitin 2019 nga muzeu i San Mamilianos në Sovana, një vend magjepsës i pasur me gjetje etruske në provincën e Grossetos.

Legjenda thotë se ato monedha të Mamilianos, të cilat zbarkuan në Montecristo, ishin thesari i famshëm i Kontit, i treguar në kryeveprën e Aleksandër Dumas.

Ato u prezantuan rreth dhjetë vjet më parë së bashku me muzeun që i strehoi dhe vjedhja ishte një humbje shumë e dhimbshme për Sovanën (qytezë) e vogël.

“Po, gjeta dy arka me monedha ari”

Davide Pecorelli, i cili tashmë është nën hetim nga gjyqësori në gjendje të lirë me akuzën e mashtrimit, nuk e ka mohuar se i ka gjetur monedhat. “Po, gjeta dy arka me monedha ari, por nuk i mora në zotërim dhe prandaj jam i qetë, sepse nuk kam asgjë për t’u frikësuar, – shpjegoi ai. – Thesari është në vendin që i tregova prokurorit, ata dinë gjithçka, ata gjithashtu kanë harta të hollësishme të vendeve ku kam qenë në kërkimet e mia ato ditë, kur arrita në ishull.”

Lexo edhe :  Itali/ Shqiptari i shoqëruar nga familja iu shkon në shtëpi fqinjëve dhe i dhunon me lopatë: Do t’ju vras të gjithëve

Prokurori i Grossetos, në një dhomë hoteli në ishullin Giglio, ku banonte sipërmarrësi, gjeti rreth njëzet emra në një letër fotografike me detaje të monedhave të lashta, tre harta të ishullit Montecristo, një libër të Komedisë Hyjnore dhe një çelës me pllakën, ku shkruhej “garazh Porto Santo Stefano”.


Të fundit

Inskenoi vdekjen në Shqipëri, biznesmeni italian Davide Pecorelli nën hetim për vjedhje

Biznesmeni italian, Davide Pecorelli, i cili u gjet në ishullin Montecristo 9 muaj pasi u raportua i zhdukur, ku...

“Shqipëria, e vendosur kundër terrorizmit e ekstremizmit”, Nikolla priti Drejtorin e Përgjithshëm të Sigurisë së Libanit

Kryetarja e Kuvendit, Lindita Nikolla, priti në një takim Drejtorin e Përgjithshëm të Sigurisë së Libanit, Abbas Ibrahim. Në takim ishte i pranishëm edhe...

Policia nuk gjen dot Adriatik Llallën, nisin procedurat për ta shpallur në kërkim ndërkombëtar

Policia e Tiranës i është përgjigjur Prokurorisë së Posaçme kundër Krimit dhe Korrupsionit (SPAK) ku e informon se ish-kryeprokurori Adriatik Llalla nuk është gjendur. Në...

Itali/ Shqiptari i shoqëruar nga familja iu shkon në shtëpi fqinjëve dhe i dhunon me lopatë: Do t’ju vras të gjithëve

“Do t’ju vras të gjithëve”! Me këto fjalë kërcënuese i është drejtuar një i ri shqiptar fqinjëve në Itali. Incidenti ndodhi në qytetin Policoro...

Kishte probleme me dritat/ Inxhinieri fundos shqiptarin në Angli, njoftoi policinë pasi zbuloi kanabisin

Një inxhinier ka zbuluar një fermë kanabisi në Coventry, në Britani, teksa ka shkuar aty që të rregullonte rrjetin elektrik. Menjëherë ai ka lajmëruar...

Lajme të tjera

Web TV