Konfirmohet blerja e klubit të Newcastle United nga sheikët e Arabisë për shumën e 300 milion funteve.
Marrëveshja është vulosur nga Premier League, duke i dhënë kështu fund sundimit 14-vjeçar të Ashley dhe duke e bërë Newcastle klubin më të pasur në botë.
Fondi i Investimeve Publike të Arabisë Saudite do të zotërojë 80 përqind, me vëllezërit miliarderë Reuben dhe financuesen Amanda Staveley që marrin nga 10 përqind secili.
Klubi i cili është në vendin e 19 në tabelën e klasifikimit është gati për një fillim të ri duke pasur pronarët më të pasur në futbollin botëror me një vlerë marramendëse prej 320 miliardë funtesh, duke kaluar ata të Man City-t dhe PSG-së.
