Bleu kështjellën më të shtrenjtë dhe pikturën e rrallë të Leonardo da Vinçit, ja pasuria e princit

113 563 lexime

106,048FansaPëlqeje

Princi i kurorës, Bin Salman, është i biri i mbretit të Arabisë Saudite Salman bin Abdulaziz Al Saud, familja e të cilit thuhet se ka një pasuri rreth 1 trilion paund.

34-vjeçari njihet për shpenzimet e çmendura dhe jetën mes luksit. Ai nuk ka kursyer të paguajë qindra miliona për një jaht, ndërkohë që krenohet edhe me shtëpinë më të shtrenjtë në botë. Sigurisht që në botën e tij përfshihen edhe miqësi me njerëzit më të rëndësishëm të globit.

SHTËPIA – Në 2015-ën, bota mbeti gojëhapur kur një blerës anonim investoi 230 milionë paund për një kështjellë në perëndim të Parisit. Në atë kohë u regjistrua si shitja më e shtrenjtë në botë. Dy vite më vonë u zbulua se blerësi ishte Bin Salman, i cili ra në dashuri me pallatin “Luigji XIV” (50 mijë metra katrorë) gjatë një udhëtimi pune. Pallati ka 10 dhoma gjumi, pishinë të brendshme dhe të jashtme, një librari dhe një hendek rrethuar nga një akuarium.

“SERENA” – Princi i Kurorës i pagoi 380 milionë paund manjatit rus të vodkës, Juri Shefler, për t’i blerë superjahtin e tij në vitin 2015. “Serena” është një prej anijeve më të mëdha në botë, me një gjatësi 134 metra, por kohët e fundit ajo ka pësuar një dëmtim në harkun e trupit të saj pasi u përplas me një shkëmb në Detin e Kuq.

ARTDASHËS – Në vitin 2017, dikush bleu një pikturë të rrallë të Leonardo da Vinçit për 340 milionë paund në emër të tij. Vepra e artit në fjalë ishte “Salvator Mundi”, e cila hyri në histori si shitja më e shtrenjtë në botë e një vepre arti. Lajmi u përgënjeshtrua nga ankandi i famshëm i veprave të artit “Christie” dhe sot piktura pushon në muzeun e Luvrit, në Abu Dhabi.

Lexo edhe :  Dy shkencëtarët amerikanë fitojnë çmimin Nobel në mjekësi, ja çfarë shpikën

SHOK I TRAMPIT – Politikisht nuk mund të shkosh më largë se Shtëpia e Bardhë. Princi i kurorës udhëton në të gjithë botën për biznes politik duke u takuar me figurat më të rëndësishme të globit. Donald Tramp u përfshi në një betejë me sauditët për zhdukjen e gazetarit Xhamal Khashogi në 2018, por te Bin Salmani, ish-presidenti i SHBA-së, gjeti një aleat, i cili i ofroi mbështetje. Ai e vizitoi presidentin e atëhershëm amerikan për të diskutuar embargon e myslimanëve ndaj vendit të tij. Pas takimit, princi tha se e konsideron Trampin një shok të vërtetë të myslimanëve në të gjithë botën.

KATËR PRINCESHA – Pavarësisht statusit të tij, Bin Salman, bën një jetë shumë të rezervuar. Thuhet se në 2008 u martua me Sarah bint Mashhor, e njohur si “Princesha Barbi” dhe ka 4 fëmijë me të. Por ai nuk e merr kurrë me vete në udhëtimet e punës. “Dua që fëmijët e mi të jetojnë një jetë shumë normale, larg projektorëve, presioneve politike dhe vëmendjes”, tha ai gjatë një konference me presidentin e Francës, Emanuel Makron, në prill 2018. Lajmet në Arabinë Saudite flasin se ai ka katër gra, megjithatë kjo nuk është konfirmuar kurrë.


Të fundit

Bleu kështjellën më të shtrenjtë dhe pikturën e rrallë të Leonardo da Vinçit, ja pasuria e princit

Princi i kurorës, Bin Salman, është i biri i mbretit të Arabisë Saudite Salman bin Abdulaziz Al Saud, familja...

Nikolla takim me gazetarët: Do të jeni të pranishëm në sallën e Kuvendit, komunikimi do bëhet transparent

Në një takim për herë të parë me gazetarët, kryetarja e kuvendit Lindita Nikolla, premtoi transparencë dhe garantoi rikthimin e tyre në sallën e...

Elbasan, përcillet në banesën e fundit 57-vjeçari që u vra për një tavolinë

Gazment Kurmaku kishte një jetë që punonte si kamarier dhe sot u përcoll në banesën e fundit, pasi një klient e vrau teksa po...

“Pandora Paper”/ Del emri i indianit me pasaportë shqiptare, mashtroi për miliarda dollarë

Një shtetas indian ka dalë në skandalin e Pandora Paper, i cili ka lidhje dhe me Shqipërinë. Biznesmeni mashtrues Nitin Sandesara është cilësuar  si...

Don Xhoni “kapet” në mes të hashashit, ja çfarë shkruan ai

Reperi i njohur, Xhonatan Isuli, i njohur gjerësisht si “Don Xhoni”, është kthyer në pak kohë në një ndër emrat më të dëgjuar në...

Lajme të tjera

Web TV