SPAK, vijon të kryejë hetime dhe operacione të ndryshme duke mos përjashtuar këtu edhe kolegët e tyre.
Mësohet se prokuroria e Posaçme ka mësyrë pasditen e djeshme në zyrat e kolegeve të tyre të Gjirokstrës.
Agjentët e Byrosë Kombëtare të Hetimit kanë qenë në Prokurorinë e Gjirokastrës ku mësohet se kanë bërë sekuestrimin e disa dosjeve.
Mësohet se BKH ka shkuar me urdhër të SPAK për një hetim të regjistruar, megjithëse për shkak të sekretit hetimor nuk bëhet me dije objekti hetimit.
Të njëjtat burime konfirmuan se agjentët e Byrosë për gati dy orë kanë sekuestruar disa nga dosjet e prokurorisë së qytetit jugor. Pritet që në ditet në vijim të dalin detaje të reja në dritë lidhur me hetimet që po kryehen në Gjirokastër.
Edhe para disa ditësh SPAK zbarkoi në zyrat e Arsimit në Dibër, për shkak të korrupsioni për punësimet në zyrat arsimore.