Pas shpalljes një ditë më parë të emergjencës për furnizimin me energji elektrike, kryeministri Edi Rama ka dalë me një paketë masash për menaxhimin e kësaj krize dhe mbrojtjen e qytetarëve dhe biznesit të vogël nga efektet e renda që do të kishte një rritje e pakontrollueshme e çmimeve në ekonominë e tyre.
“Dikush po thotë se 8 vjet më parë i paskemi pasur pagat më të larta dhe sot jemi të fundit, po faktet nuk janë opinione dhe tabela e pagave flet ndryshe. 8 vjet më parë kemi qenë të fundit, të tjerë thotë se i kemi braktisur njerëzit në nevojë dhe që kemi rritur energjinë elektrike, faktet nuk janë opinione. Të rrisësh pagat përtej mundësive, logjikë e Sudes! Me reformën tonë të energjisë, çmimi u ul nën koston e prodhimit për të mbrojtur konsumatorët”, tha Rama.
