Policia e Dubait ka sekuestruar një sasi prej 500 kg kokainë, më një vlerë rreth 118 milionë euro, nëse do të hidhej treg. Në kuadër të operacionit të koduar ‘Akrepi’, policia thotë se një person është arrestuar si i dyshuar, i cili ishte me precedent penal.
“Ai ka pranuar krimin dhe u referua në Prokurorinë Publike për veprime të mëtejshme ligjore,” tha policia.
Abdullah Khalifa Al Merri, Komandant i Përgjithshëm i Policisë së Dubait, e përshkroi sekuestrimin e drogës si më të madhin e këtij lloji në rajon.
“Policia e Dubait fokusohet në bashkëpunimin me departamentet e policisë botërore dhe qëndron kundër trafikut të drogës,” tha Gjeneral Lejtnant Al Merri.
Policia e Dubait u informua për një bandë ndërkombëtare që kishte arritur të kontrabandonte drogën në një port detar.
Një i dyshuar u mbajt nën vëzhgim nga Policia e Dubait para se forcat të bastisnin vendin. Drejtor i Departamentit Anti-Narkotik në Policinë e Dubait, tha se i dyshuari e kishte transferuar drogën në një emirat tjetër dhe e kishte ruajtur në një magazinë.
I dyshuari mori me qira një makinë dhe bleu mjete për të nxjerrë drogën në mënyrë që ta shiste kokainën brenda Emirateve të Bashkuara Arabe.
