Kriza e Evergrande: Një Lehman Brothers kinez

113 563 lexime

106,048FansaPëlqeje

Nga Daniel Lacalle

 

Falimentimi i shoqërisë imobiliare kineze, gjigandit Evergrande kinez është shumë i më i rëndë se rasti i bankës amerikane të investimeve Lehman Brothers. Lehman Brothers ishte shumë më e diversifikuar dhe shumë më mirë e kapitalizuar se Evergrande.  Në fakt, totali i aktiveve të gjigandit kinez në prag të falimentimit është mjaft më i lartë se fllucka e subprime në SHBA.

Problemi thelbësor i Evergrande është se në këtë rast nuk kemi të bëjmë thjesht me një histori konjukturore kalimtare të ekonomisë dhe financave kineze, por me një simptomë strukturore të lidhur me një model ndërtimi e zhvillimi të kapitalizmit të bazuar në një rritje ekonomike me efekte shumëfishuese që kërkon të fryjë Prodhimin e Brendshëm Bruto (PBB) me cdo mënyrë artificiale e cmim nëpërmjet qyteteve fantazëm, infrastrukturave të papërdorshme e ndërtimeve fantazëm. Modeli i zinxhirit të borxheve i tipit Evergrande nuk është dicka e rrallë apo e panjohur në Kinë.

Janë të shumta sipërrmarjet kineze që ndjekin strategjinë e “të qëndruarit në vend duke bërë sikur po vrapojnë” e cila konsiston në akumulimin e borxheve gjithnjë e më të mëdha për të kompesuar gjenerimin e dobët të fluksit të të ardhurave dhe fitimeve të ulta.

Shumë biznesmenë e sipërrmarrës hyjnë në borxhe për të ndërtuar një promovim që nuk është shitur ose që ka mbetur me shumë njësi të pashitura, dhe pastaj e financojnë atë borxh duke shtuar kredi shtesë për projekte të reja duke përdorur si kolateral asete të pashitshme ose të ngarkuara me shumë borxhe.

Detyrimet totale të gjigandit Evergrande janë më shumë se dyfishi i borxhit të tij zyrtar (mbi 2 trilionë juanë). Gropa financiare e tij është ekuivalente me pothuajse një të tretën e PBB -së së Rusisë. Të ardhurat e saj vjetore nuk arrijnë 70 miliardë dollarë, dhe është më se e dyshimtë që këto të ardhura të jenë reale, pasi një pjesë e konsiderueshme vjen nga angazhimet e pagesave, mbledhja e të cilave është e diskutueshme. Edhe nëse do të ishin reale, këto të ardhura nuk janë të mjaftueshme për të përmbushur afatet e obligacioneve, të cilat tejkalojnë 250 miliardë dollarë në një afat të shkurtër.

 

Problemi Evergrande është shumë më i rrezikshëm se sa duket në sipërfaqe

Të gjitha zgjidhjet me natyrë Kejnsianiste që dëgjojmë këto ditë janë zbatuar tashmë : injeksione masive të likuiditetit, norma të ulëta interesi, mbështetje të plotë dhe eksplicite të nënkuptuar të qeverisë kineze … Mos harrojmë se, sipas Reuters, Evergrande ishte emetuesi më i madh i letrave komerciale në Kinë, 32 miliardë dollarë të lëshuara në vitin 2020, një rritje prej 390% nga 2015.

Evergrande përfaqëson më pak se 4% të tregut global kinez, por modeli i tij është përdorur nga shumë sipërrmarës e biznese kineze. Dhjetë sipërrmarjet kryesore të pasurive të paluajtshme përbëjnë 34% të tregut dhe praktikat agresive të “efektit levë” janë mjaft të përhapura.

Industria e pasurive të paluajtshme është shumë e madhe në Kinë. Sipas JP Morgan, pesha e saj direkte dhe indirekte, përfaqëson 25% të PBB -së, më shumë se dyfishin e madhësisë së flluskës së pasurive të paluajtshme në Japoni ose Spanjë. Industria imobiliara është rritur me një model borxhi prej 15% në vit gjatë tre viteve të fundit.

Lexo edhe :  Marrëveshja për taksën globale që tenton të zhdukë parajsat tatimore

Qeveria kineze ka futur rregullore të vecanta për të reduktuar tepricat apo devijimet e këtij tregu, por ndërsa përfiton nga rritja e PBB -së dhe krijimi i vendeve të punës, ajo ka mbajtur një qëndrim të vetëkënaqur ndaj modelit të borxhit të korporatave.

Kompanitë kineze të pasurive të paluajtshme, sipas JP Morgan, ulën borxhin e tyre në 92% të totalit të aktiveve, kundrejt një norme interesi përbindësh prej 140% në 2018, me një diferencë fitimi prej 9 deri në 13%.

Por këto shifra ende tregojnë një problem më të madh se sa sugjerojnë titujt kryesorë të analizave dhe shtypit. Shumica e sipërrmarësve kinezë të pasurive të paluajtshme kanë detyrime totale prej 50% të totalit të aktiveve, sipas JP Morgan. Problemi është se vlera e këtyre pasurive dhe aftësia për t’i shitur ato është më se e diskutueshme.

Implikimet e një kolapsi Evergrande janë shumë më të mëdha se ato që na thonë bankat e investimeve.

Rreziku i parë është një efekt domino në një sektor me borxhe shumë agresive. Ka gjithashtu një ndikim të madh në të gjitha bankat e ekspozuara ndaj Kinës dhe tregjeve në vendet në zhvillim, ku Kina ka financuar projekte shkatërruese vitet e fundit. Dhe ka gjithashtu një ndikim në rritjen globale dhe vendet që eksportojnë në Kinë, pasi ngadalësimi ishte tashmë më se i dukshëm.

Për më tepër, ne nuk mund të injorojmë ndikimin në aftësinë paguese të sistemit financiar pavarësisht miliarda dollarëve të injektuar nga Banka Popullore e Kinës.

 

Aftësia paguese nuk mund të zgjidhet nëpërmjet likiditeteve

Shpresa se qeveria do të rregullojë gjithçka është në kontrast të dukshëm me shkallën e gropës financiare. Sido që të jetë, ne nuk mund të injorojmë efektin negativ në sektorët shumë të ekspozuar ndaj rritjes së pasurive të paluajtshme, infrastrukturës, energjisë elektrike, shërbimeve dhe mbi qindra mijëra qytetarë që kanë paguar një depozitë për apartamente që nuk do të ndërtohen.

Problemi strukturor me Kinën është se e gjithë ekonomia është një model i madh borxhi që ka nevojë për gati dhjetë njësi borxh për të gjeneruar një njësi të PBB -së, që është tre herë më shumë se dhjetë vjet më parë, dhe e gjithë kjo katastrofë ishte tashmë e dukshme më shumë se një muaj më parë.

Me një borxh të përgjithshëm prej 300% të PBB -së sipas Institutit të Financave Ndërkombëtare, Kina nuk është më ekonomia e fortë që noton me para në dorë, siç ishte disa dekada më parë.

Tregu supozoi se, për shkak se është Kina, qeveria do t’i fshihte këto rreziqe. Më keq akoma, rënia e gjigandit Evergrande tregon vetëm një realitet të rrezikshëm në disa sektorë kinezë: borxh i tepërt pa të ardhura reale ose asete për ta mbështetur atë.

Ky episod vjen në kohën më të keqe të mundshme pasi qeveria filloi një goditje masive ndaj biznesit të madh. Investitorët ndërkombëtarë tashmë janë të shqetësuar për qeverisjen dhe ndërhyrjen e korporatave në Kinë, dhe tani frika e ngjitjes së kredisë e bën rrezikun edhe më të madh. Evergrande nuk është një episod periferik, por është një simptomë.

 

 


Të fundit

Ministria e Arsimit paraqit planin në rast përkeqësimi të Covid-19: 500 mësues zëvendësues, 68 objekte arsimore të rindërtuara

Në seancën dëgjimore të thirrur nga opozita për masat e marra lidhur me fillimin e vitit shkollor, ministrja e...

“Mirë që s’isha në Tiranë, do iu bombardoja me çekiç”/ Sportisja polake reagon ashpër ndaj tifozëve shqiptarë

Ëndrra e kombëtares shqiptare për të shkruar në ‘Play off’ e Botërorit 2022, ka marrë një goditje të fortë mbrëmjen e djeshme, pasi u...

Serbët kundërshtojnë aksionin e policisë së Kosovës në Mitrovicë, efektivët përgjigjen me gaz lotsjellës

Qytetarët në veri të Kosovës po kundërshtojnë një aksion të Policisë së Kosovës kundër kontrabandës së mallrave. Ky aksion, që ende po vazhdon është shtrirë...

Rindërtimi/ Rama i përgjigjet komentuesit që e akuzoi: Mos u mërzit për gjërat e mira që bëhen se për njerëzit janë

Kryeministri Edi Rama e nisi ditën sot me një video të shtëpive të rindërtuara në Thumanë, e komentet pozitive kanë qenë të shumta. E...

Kimikatet në shampo dhe kozmetikë shkaktojnë vdekje të hershme

Ekspozimi ndaj një klase të zakonshme të kimikateve të quajtura ftalate ishte e lidhur me vdekjet e parakohshme, veçanërisht vdekjet e shkaktuara nga sëmundje...

Lajme të tjera

Web TV