Kryetari i Grupit Parlamentar Socialist Taulant Balla tha dje se Opinioni i Venecias i vuri “vulën” kohës se kur të mbahen zgjedhjet e ardhshme vendore në Shqipëri. Balla reagoi në Kuvend pas publikimit të këtij raporti ku ekspertët e Komisionit të Venecias kishin arritur në përfundimin se Gjykata Kushtetuese shqiptare nuk ka kompetencë për të shqyrtuar vlefshmërinë e zgjedhjeve vendore. “Ajo që duhet të bëjë ky parlament është që gjithë reforma në funksion të zgjedhjeve të garantojë që në zgjedhjet e ardhshme parlamentare e pse jo të përpiqemi ta sigurojmë për zgjedhjet vendore te vitit 2023, se besoj që jeni të gjithë të qartë që zgjedhjet vendore do të jenë në vitin 2023 me rekomandimin e ardhur nga Venecia që i përcakton zgjedhjet e 30 qershorit te bazuara në kushtetutë dhe në ligj. Të nisim punën që sot që në zgjedhket e prillit 2025 edhe qytetarët shqiptarë që jetojnë jashtë territorit të kenë mundësi të votojnë”, tha Balla në Kuvend. Ndërkohë sa i përket sistemit të patronazhimit, Balla bëri ironi dhe tha se ai është një sistem që e ka përdorur edhe PD. “Punë të mbarë të hetoni edhe sistemin e patronazhimit se të gjithë e dimë që edhe ju e keni përdorur po aq njëlloj sa ne dhe është një mënyrë organizimi partie në të gjitha partitë që unë njoh dhe ju njihni”, tha Balla.
Fjala është e lirë. Liria është fuqi!
E-mail : info@fjala.al
Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të Fjala.al. Shfrytëzimi i materialeve nga ndonjë faqe interneti a medium tjetër pa lejen e FJALA.al, është shkelje e të drejtave të autorit dhe të pronës intelektuale sipas dispozitave ligjore në fuqi.
FJALA MEDIA GROUP
NUIS/NIPT : L92423005H