Maratona e Tiranës 2021/ Veliaj uron çiftin nga Afganistani që do të garojë nesër

113 563 lexime

106,048FansaPëlqeje

Hazizi dhe Fatima, çifti nga Afganistani, që mbërriti bashkë me refugjatët e parë që lanë vendin e tyre për shkak të luftës, kanë vendosur të bëhen edhe pjesë e Maratonës së 17 Tetorit. Gjatë një pritjeje në zyrën e tij, kryetari i Bashkisë së Tiranës, Erion Veliaj ka përgëzuar dy të rinjtë për angazhimin në jetën publike e posaçërisht pjesëmarrjen e tyre, bashkë me qindra vrapues të tjerë të huaj në Maratonën e cila do ta kthejë të dielën kryeqytetin në arenën më të madhe sportive të vitit.

“Jam shumë i lumtur sot që jam këtu me Hazizin dhe Fatimen, dy miqtë tanë nga Afganistani të cilët kanë vendosur të bëhen pjesë e Maratonës së Tiranës. Unë e di që për ta ka qenë një tranzicion shumë i gjatë dhe i vështirë. Erdhën nga Afganistani, por duan të integrohen në Shqipëri, të hapin edhe një restorant në vendin tonë dhe të fillojnë një jetë të re dhe të krijojnë një familje. Janë dy miq specialë në Maratonën e Tiranës, doja një pritje të veçantë dhe t’iu uroj atyre shumë suksese. Sigurisht që kjo garë është e rëndësishme por jo aq e rëndësishme sa gara e madhe që kemi përpara, për të krijuar një familje në vendin tonë dhe për t’ia filluar jetës nga e para, ashtu si shumë prej nesh filluan jetën nga e para kur kanë qenë në emigracion dhe është dashur të përballen me shumë sfida,” u shpreh ndër të tjera kryebashkiaku Veliaj.

Të rinjtë afganë falenderuan kreun e Bashkisë, sidomos për mikpritjen e veçantë që u bëri Tirana bashkëkombësve të tyre. “Jemi pafund të lumtur dhe shumë faleminderit për pritjen. Falenderoj qeverinë dhe qytetarët shqiptarë për mikpritjen shumë të ngrohtë që na dhanë në kohën kur ne kishim nevojë më shumë dhe kur shumë vende të tjera na kthyen shpinën, ishte Shqipëria që na mirëpriti. Ju falenderoj dhe jam shumë entuziast, unë edhe bashkëshortja ime që do i bashkohemi Maratonës së Tiranës,” u shpreh Hazizi. “Unë dua të falenderoj të gjithë shqiptarët dhe veçanërisht zotin kryebashkiak,” tha Fatima.


Të fundit

Maratona e Tiranës 2021/ Veliaj uron çiftin nga Afganistani që do të garojë nesër

Hazizi dhe Fatima, çifti nga Afganistani, që mbërriti bashkë me refugjatët e parë që lanë vendin e tyre për...

E rëndë/ 60-vjeçari gjendet i varur pas banesës së tij në Tiranë

Një ngjarje e rëndë është regjistruar sot në Farkë të Madhe në Tiranë, ku një 60-vjeçar i ka dhënë fund jetës duke u vetëvarur. Ngjarja...

Goditi policin për shkak të detyrës, arrestohet 43-vjeçari në Tiranë

Arrestohet një 43 vjeçar në Tiranë pasi ka goditur një punonjës policie. “Po nga specialistët për Hetimin e Krimit në Komisariatin e Policisë Nr.4 u...

Nesër qytetarët e Kosovës dhe Maqedonisë së Veriut do t’i drejtohen kutive të votimit

Dita e sotme është heshtje zgjedhore, ndërsa të nesërmen qytetarët e Kosovës dhe Maqedonisë së Veriut do t’i drejtohen kutive të votimit për të...

“Tetori rozë”/ Ambasadorja Kim i bashkohet marshimit sensibilizues

Ambasadorja e SHBA Yuri Kim i është bashkuar marshimit sensibilizues dedikuar ‘tetorit rozë’, me udhëheqëse shqiptare, të mbijetuara të kancerit të gjirit, dhe aktivistë...

Lajme të tjera

Web TV