U ekzekutua me armë zjarri në Peqin, ja kush është 38-vjeçari nga Lushnja

113 563 lexime

106,048FansaPëlqeje

Është identifikuar 38-vjeçari që u gjet i vrarë me armë zjarri në Peqin. Burime bëjnë me dije se i vdekur ka mbetur Alban Semaku(Mermali) 38 vjeç nga Lushnja.

Vlen të përmendet se trupi i pajetë i Semakut është gjetur në afërsi të lumit Shkumbin. Semaku ka qenë më herët i dënuar me 13 vite burg për vrasje e njihej si pjesëtar i Bandës së Lushnjes, e kryesuar nga Ado Bare.

Viktima është identifikuar nga e ëma, në morgun e Spitalit Rajonal të Elbasanit.

Dyshimet e para kanë dalë në përfundimin se vrasja është kryer diku tjetër dhe më pas ekzekutorët e kanë sjellë trupin e pajetë aty.

38-vjeçari është gjetur i vrarë me dy plumba në shpinë dhe brinjë mbrëmjen e kaluar, por trupi i pajetë është gjetur ditën e sotme. Ndërkohë, policia dhe prokuroria vijojnë hetimet për të zbardhur ngjarjen.

Njoftimi i Policisë:

Elbasan

Në vijim të veprimeve hetimore të kryera nga grupi hetimor, nën drejtimin e Prokurorisë së Rrethit Gjyqësor Elbasan, për verifikimin e identitetit të shtetasit të vrarë me armë zjarri, i cili është gjetur në afërsi të lumit Shkumbin, në lagjen Çezmë, Peqin, pas verifikimeve të kryera, rezultoi se ishte shtetasi Alban Semaku, 38 vjeç, banues në Lushnjë, i cili deri në vitin 2011 mbante emrin Elton Mermali.

Në vitin 2006, ky shtetas është ekstraduar nga Italia, pasi Gjykata e Lushnjës, me vendimin e datës 28.08.2003 i ka caktuar masën e sigurisë “Arrest në burg”, për veprën penale “Vrasja”, ndodhur në qytetin e Lushnjës, kryer në kuadër të organizatës kriminale të Lushnjës.

Më datë 16.03.2015 është arrestuar në flagrancë, pasi në lagjen “Gafurr Muço”, Lushnjë, për motive të dobëta, ka kanosur për jetën, me armë zjarri, shtetasin M. T. Gjatë kontrollit personal të ushtruar ndaj shtetasit Alban Semaku, iu gjetën dhe iu sekuestruan në cilësinë e provës materiale një armë zjarri pistoletë e tipit “Zastava”, një kre hër pistolete me 6 fishekë dhe dy doza heroinë.

Lexo edhe :  Edhe sa do të shtrenjtohet energjia?

Me vendimin e datës 16.11.2015 të Gjykatës së Rrethit Lushnjë është dënuar me 6 vjet e 8 muaj burg për veprat penale “Prodhimi dhe shitja e lëndëve narkotike”, “Prodhim dhe mbajtje pa leje e armëve luftarake” dhe “Kanosja” dhe është liruar nga burgu 06.05.2021, pasi ka vuajtur dënimin në I.E.V.P Peqin.


Të fundit

PD/ “Titaniku” që po mbytet nga kapiteni dhe timonieri

Përplasja e fortë pa kthim mes Berishës dhe Bashës për të rimarrë, apo për të mbajtur drejtimin e Partisë...

Horoskopi ditor, 18 tetor 2021

Dashi Me shumë gjasa, çiftet që kanë pasur prej kohësh probleme mund të konsiderojnë ndarjen. Në lidhje me financat, situata do të jetë e stabilizuar. Demi Marrëdhënia...

Thirrja dramatike e ekspertëve për vaksinim: Po vdesin të rinjtë nga COVID-19

Autoritetet greke u bëjnë thirrje të rinjve që të vijojnë procesin e vaksinimit për t’u mbrojtur nga COVID-19. Ekspertët shprehen se po rriten vdekjet...

Nesër nis viti i ri akademik/ Kushi uron studentët dhe pedagogët, thirrje për vaksinim

Të hënën do të nisë dhe viti akademik 2021-2022 ku ndryshe nga një vit më parë studentët do të jenë në auditor me kushtin...

Lajme të tjera

Web TV