Kushi thirrje studentëve: Vaksinimi nuk shërben vetëm për të hyrë në auditore, por mbron shëndetin

113 563 lexime

106,048FansaPëlqeje

Ministrja e Arsimit dhe Sportit Evis Kushi, ka zhvilluar ditën e sotme një vizitë në ambientet e Universitetin Politeknik të Tiranës dhe Universitetin e Arteve.

Gjatë kësaj vizite, Kushi ka përsëritur apelin para studentëve për t’u vaksinuar dhe rëndësinë e këtij procesi për mbarëvajtjen e jetës akademike dhe mbrojtjen e shëndetit të gjithsecilit.

Gjithashtu ajo ka nënvizuar tek studentët se vaksinimi nuk shërben thjesht për të hyrë në auditore, por për të mbrojtur shëndetin e tyre, të familjarëve dhe komunitetit.

“Ju jeni të rinj, bëni jetë sociale, hyni në kinema, bare etj. Prandaj, vaksinimi ju duhet. Madje, edhe për udhëtim jashtë vendit, certifikata e vaksinimit është e nevojshme. Shumë suksese të gjithëve në këtë vit akademik!”, tha ministrja Kushi.

Ndërsa cilëson se viti i kaluar akademik me mësimin “online” ishte shumë i vështirë, ministrja e Arsimit shprehet se është e rëndësishme që mësimi në auditore të kthehet në normalitet.

“Nëse ne jemi të gjithë të ndërgjegjësuar e të vaksinuar, patjetër që ky vit akademik do të shkojë sa më mbarë”, tha ajo.

Ndër të tjera, gjatë bisedës me studentët, Ministrja Kushi nënvizon: “Ne që jemi të shëndetshëm, e kemi dyfish më të madh detyrimin për t’u vaksinuar që të mbrojmë edhe ata që janë më të rrezikuarit. Dhe në këtë rast, më të rrezikuarit janë pedagogët tuaj, stafi akademik dhe prindërit që keni në shtëpi”, duke thënë se mbi të gjitha vaksinimi është një detyrë qytetare e secilit: “Dua që të jemi të gjithë bashkë në këtë betejë. Dhe për sa kohë virusin e kemi akoma mes nesh, duhet ta kuptojmë që secili të bëjë detyrën e tij. Kjo është edhe një detyrë qytetare. Nëse secili bën detyrën e tij, të gjithë bashkë jemi më të mbrojtur dhe do të garantojmë një vit të mbarë akademik”, ka thënë më tej Kushi.


Të fundit

Kushi thirrje studentëve: Vaksinimi nuk shërben vetëm për të hyrë në auditore, por mbron shëndetin

Ministrja e Arsimit dhe Sportit Evis Kushi, ka zhvilluar ditën e sotme një vizitë në ambientet e Universitetin Politeknik...

E rëndë/ Italiani mbante për dy vite në dollap trupin e pajetë të nënës së tij

Një ngjarje e pazakonte është zbuluar në Itali, pasi një 50-vjeçar ka mbajtur në dollap trupin e nënës së tij për dy vite me...

Memorandumi tre palësh për Korridorin 8, Balla: Një ndër projektet më të rëndësishme për zhvillimin e Ballkanit Perëndimor

Kryetari i Grupit Parlamentar të Partisë Socialiste Taulant Balla ka përshëndetur nënshkrimin e memorandumit tre palësh mes Shqipërisë, Bullgarisë dhe Maqedonisë së Veriut sa...

“Shpërthen” debati në PE, kryeministri polak akuzon BE-në për shantazh! Von der Leyen: Po minoni vlerat tona

Kryeministri polak, Mateusz Morawiecki ka akuzuar Bashkimin Evropian se po ushtron shantazh ndaj Polonisë duke paralajmëruar masa ndëshkuese ndaj saj. Morawiecki debatoi ashpër me...

Publikohet në shqip “Pleshti”, biografia e parë zyrtare e Messit

Lajm i mirë për dashamirësit e sportit e në veçanti të futbolllistit më të mirë në botë, Lionel Messit. Del në tregun shqiptar libri...

Lajme të tjera

Web TV