Tetori rozë/ Tomini: Shqipëria regjistron 6000 raste të reja në vit me kancer gjiri

113 563 lexime

124,178FansaPëlqeje

Ditën e sotme në ambientet e QSUT-së është zhvilluar aktiviteti në kuadër të luftës së kancerit të gjirit.

E pranishme në këtë dëgjese ishte zv ministrja e shëndetësisë Eugena Tomini, e cila theksoi se kanceri i gjirit zë 12% të rasteve të reja në vit.

“Shqipëria regjistron 6000 kancer të reja në vit. Në 2019 janë shënuar 224 vdekje nga kanceri i gjirit. Ndërsa 5000 gra vuajnë aktualisht nga kanceri i gjirit. Sa i përket moshave 30-70 vjeç, vdekshmëria është në ulje”, u shpreh ajo.

Më tej Tomini theksoi se vdekjet kanë rënë nga 20 vdekje për 100  mijë banorë në 2015 në 17 vdekje për 100 mijë banorë në 2019.

“Dua të shtoj se në një vit janë realizuar 20 mijë mamografi, ndërsa 31 barna antitumoral rimbursohen nga shteti”, u shpreh ajo.

Gjithashtu deputetja Orjola Pampuri e pranishme në këtë aktivitet , falënderoi mjekët për përkushtimin e tyre edhe në kushtet e vështira pandemike.

“Falënderoj mjekët për punën e bërë gjatë gjithë kohës veçanërisht gjatë pandemisë. Gjatë denoncimeve tona nuk kemi shenjëstruar asnjëherë punën e mjekëve ata kanë qenë dhe janë heronj”, tha ajo.

Deputetja e PS-së , Klodiana Spahiu tha se bashkëpunimi mes deputetëve të Komisionit të Shëndetësisë mundësoi krijim e regjistrit kombëtar të të sëmurëve me kancer.

“Bashkëpunimi mes deputetëve të Komisionit të Shëndetësisë mundësoi krijim e regjistrit kombëtar të të sëmurëve me kancer. Tani është koha për të rishikuar ligjin për kujdesin paliativ që është shtyrë për shkak të pandemisë”, tha më tej ajo.

Në këtë takim, shefja e ISHP-së Albana Fico, i bëri thirrje të gjitha grave që të mos neglizhojnë në asnjë moment trajtimin mjekësor.

Gjatë fjalës së saj Fico tha se nga kanceri nuk janë të prekura vetëm gratë, por edhe burrat me forma shumë të rënda.

Lexo edhe :  Isabel Santos, kundër Greqisë për Belerin/ “Jam e keqardhur për deklaratat”

“Kanceri po prek jo vetëm gratë por edhe burrat edhe në forma shumë të rënda me fatalitete”, ka thënë Fico.

Vëmendja u ndal edhe tek kostot që duhen për të trajtuar këtë sëmundje.

Doktoresha Silvana Çeliku, u shpreh se kostot mjekësore janë shumë të mëdha dhe është e vështirë që të mbulohen të gjitha.

Gjithashtu theksoi se sot fatmirësisht ka protokolle mjekësore të kurimit si dhe aparatura të reja si akseleratori linear.

“Kostot mjekësore të kancerit janë shumë të mëdha edhe për shtete shumë më të zhvilluara se Shqipëria dhe ne e dimë se nuk mundet dot që të mbulohen të gjitha kostot, por fatmirësisht ne sot kemi protokolle mjekësore të kurimit si dhe aparatura të reja si akseleratori linear. Për kancerin e gjirit kemi mbulesën më të mirë me kura në raport me sëmundjet e tjera tumorale.

Mund të kemi pasur vonesa në kura të caktuara po janë çështje të planifikimit që nuk mund të parashikohen me saktësi ndaj dhe planifikimet bëhen çdo 4 muaj dhe jo një vjetore që të mos mbesë asnjë grua pa kurë citostatikësh për kurimin kancerit të gjirit”, tha ndër të tjera Çeliku.

Të fundit

Këshilli Bashkiak miraton bonusin e qerasë për familjet e Kombinatit

Këshilli Bashkiak i Tiranës miratoi listën e familjeve të Kombinatit, të cilat përfitojnë bonus qiraje pasi banesat e tyre...

Sterilizimi/ Ilir Beqaj zbulon detaje nga dosja hetimore: Kemi bërë kërkesë për…

Pas daljes nga SPAK ku u njoh me dosjen hetimore për Sterilizmin, ish-ministri i Shëndetësisë, Ilir Beqaj, i cili akuzohet për shpërdorim detyre, tha...

Ekspertët thonë jo! Nga tani mos qëndroni më zbathur në shtëpi, ja arsyeja e fortë

Pas një dite të gjatë me këpucët veshur me siguri gjithçka që doni të bëni është t’i largoni ato nga këmbët tuaja. Kjo për shkak...

Nesër mblidhet Sekretariati i Etikës në Kuvend, ja çfarë pritet të ndodhë

Ditën e nesërme do të mblidhet në orën 11.30 Sekretariati i Etikës në Kuvend, për kërkesën e grupit parlamentar të PD për të shpallur...

Merr flakë apartamenti në bulevardin “Zogu i Parë” në Tiranë

Një apartament në "Zog të Zi" në Tiranë është përfshirë në flakë paraditen e sotme. Zjarri është izoluar ndërsa raportohet vetëm për dëme materiale. Nuk dihet ende...

Lajme të tjera

Web TV