Është ekzekutuar me armë zjarri një ndër reperët më të njohur në Suedi, Einar, 19 vjeç. Mediat e huaja raportojnë se reperi është qëlluar për vdekje natën e së enjtes në Stokholm. Lajmi për vdekjen e tij ka nxitur reagime të shumta rreth dhunës së shkaktuar nga bandat rivale të viteve të fundit në shtetin skandinav.
Reperi 19-vjeçar, emri i vërtetë i të cilit është Nils Gronberg, u vra në periferi të Stokholmit dhe policia deri më tani, sipas Routers, nuk ka asnjë të arrestuar për këtë çështje. Kujtojmë se edhe vitin e kaluar, ky reper u rrëmbye dhe u rrah brutalisht nga bandat rivale.
“Një jetë e re është shuar dhe unë e kuptoj se ai ka pasur shumë rëndësi për shumë të rinj. Është tragjike”, tha Kryeministri i Suedisë, Stefan Lofven.