Zbulohet vendimi i qeverisë komuniste për kthimin e eshtrave të Abdyl Frashërit

113 563 lexime

106,048FansaPëlqeje

Në 11 tetor u mbushën 129 vjet nga vdekja e Abdyl Frashërit në Stamboll, por vetëm në vitin 1978 u mor vendimi nga Këshilli i ministrave të asaj kohe për kthimin e eshtrave të tij në tokën shqiptare.

Gazeta Fjala publikon sot vendimin e Mehmet Shehut për sjelljen e eshtrave të Abdyl Frashërit nga Turqia drejt Shqipërisë.

 

Më 29 gusht 1839, në Frashër të Përmetit lindi Abdyl Frashëri biri i Halid beut.

Emrin e vërtetë e ka Abdullah Hysni. Është një nga personalitetet më të rëndësishme të Rilindjes Kombëtare. Është shquar si personalitet politik gjatë Krizës Lindore, në shek. XIX. Në Parlamentin e Parë Osman të vitit 1877 hyri si deputet i Janinës; u zgjodh kryetar i Komitetit të Janinës (1877) dhe në dhjetor të po këtij viti u zgjodh kryetar i Komitetit të Stambollit, që u formua për të mbrojtur të drejtat e shqiptarëve në Perandorinë Osmane. Abdyl Frashëri ishte një nga aktivistët kryesorë të Kuvendit të Prizrenit që u formua për të mbrojtur copëtimin e trevave shqiptare, si pasojë e firmosjes së Traktatit të Shën Stefanit (1878) dhe mbrojti idenë e bashkimit të trevave shqiptare në një vilajet, në kuadër të Perandorisë Osmane. Gjatë Kongresit të Berlinit, në emër të Lidhjes, së bashku me Mehmet Ali Vrionin, kreu takime me përfaqësues të Fuqive të Mëdha për të mbrojtur të drejtën e shqiptarëve. Në qeverinë e drejtuar nga Ymer Prizreni (1881), Abdyl Frashëri mori përgjegjësinë e ministrit të Punëve të Jashtme. Në prill të këtij viti u arrestua. Në gjyqin që u bë në Prizren u dënua me vdekje, por më pas ky vendim u kthye në burgim të përjtetshëm. Pasi kreu tre vjet dënim në burgun e kalasë së Prizrenit, u dërgua me qëndrim të detyruar në Ballëkesir dhe në Bandërma. Në vitin 1886 lihet i lirë me kushtin që të mos merret me politikë dhe u caktua anëtar i këshillit të qytetit të Stambollit. Më 11 tetor 1892 ndërroi jetë në Stamboll.

Në fotografinë e parë është portreti i Abdyl Frashërit, fotografuar nga Vëllezërit Romaidhi (fotografë të njohur në Athinë) ndërsa materiali pasues është vendimi i Këshillit të Ministrave i vitit 1978, për kthimin e eshtrave të Abdyl Frashërit në atdhe me rastin e 100- vjetorit të Lidhjes së Prizrenit.


Të fundit

Zbulohet vendimi i qeverisë komuniste për kthimin e eshtrave të Abdyl Frashërit

Në 11 tetor u mbushën 129 vjet nga vdekja e Abdyl Frashërit në Stamboll, por vetëm në vitin 1978...

Aksident në aksin Krujë-Fushë Krujë/ Plagoset drejtuesi dhe vajza e tij

Një aksident ka ndodhur në aksin Krujë-Fushë Krujë mbrëmjen e sotme. Policia bën me dije se shtetasi F. M., duke drejtuar motomjetin ka humbur...

Reagon familja e kineastes së vrarë: Nëse dikush ka bërë një gabim, duhet të paguajë!

Një ngjarje e rëndë tronditi Hollywood-in dy ditë më parë, kuineastja Halyna Hutchins u vra aksidentalisht gjatë xhirimeve të një filmi në SHBA. Pas kësaj...

Erdogan urdhëron shpalljen non grata të 10 ambasadorëve perëndimorë

Presidenti i Turqisë, Receep Tayyip Erdogan, ka urdhëruar Ministrinë e Jashtme turke që të shpallë non grata 10 ambasadorë të shteteve perëndimore. Sipas “Reuters”  ky...

Manastirliu: Vaksinimi nuk zgjidhet me detyrim, nuk duam të mbyllemi sërish

Për ministren Manastirliu vaksinimi nuk zgjidhet me detyrim, zgjidhet me shkencë duke mbështetur vaksinimin. Duke folur për situatën e studentëve në auditorë, ajo tha...

Lajme të tjera

Web TV