Shqipëria është zgjuar mëngjesin e sotëm me disa lëkundje sizmike. Një tërmet me magnitudë 3.3 të shkallës Rihter u regjistrua në orën 08:04:57. Epiqendra ishte në qarkun e Dibrës.
Në orën 08:10 u regjistrua një tjetër lëkundje me magnitudë 4.5 Rihter po në qarkun e Dibrës. Paraprakisht nuk raportohet për dëme.
Gjithsej janë ndjerë 4 lëkundje, dy të parat të fuqishme ndërsa dy të tjerat më të lehta.
Lëkundjet u ndjenë deri në Tiranë duke shkaktuar frikë dhe panik te qytetarët.