Momente të vështira tek Barcelona/ Zbulohet problemi në zemër që ka Aguero, iu rishfaq pas 12 vitesh

113 563 lexime

124,178FansaPëlqeje

Barcelona po përjeton një moment të vështirë historik, por aventura e “El Kun” Agüero nuk po shkon më mirë…

Sulmuesi argjentinas kërkoi ndryshimin para se të arrinte pushimin në ndeshjen e djeshme kundër Deportivo Alavés. Duke parë përsëritjet, nuk u vlerësua asnjë dëmtim i muskujve, por argjentinasi u rrëzua shpejt përtokë me dorën në kraharor dhe në qafë. Pas protokollit për këto raste ai është përcjellë me ambulancë në spitalin e Barcelonës.

Java tragjike e Barçës

Aty iu nënshtrua disa studimeve të kardiologjisë për shkak të shqetësimit në gjoks dhe i është diagnostikuar një aritmi kardiake, pra një çrregullim i ritmit të zemrës.

Në këtë mënyrë, mbi “El Kun” do të kryhen studime më të thelluara për të vazhduar analizën e gjendjes shëndetësore të argjentinasit.

Sipas El País, ai tashmë pësoi një aritmi, afërsisht dhjetë ditë më parë.

Futbollisti është i qetë, për aq sa ka mundur, por i shqetësuar për këtë situatë të re me të cilën po përballet, ndonëse tashmë ka pësuar një episod të barabartë 12 vite më parë.

Argjentinasi ishte në gjendje të debutonte me fanellën e Barçës më 17 tetor kundër Valencias, duke u rikthyer nga një dëmtim i tendinit në pjesën e brendshme të këmbës së djathtë që nuk e kishte lejuar të niste sezonin.

Kundër Real Madridit, në ndeshjen e tij të dytë si Blaugrana, ai shënoi golin e parë me ekipin e tij të ri.

Siç ka mësuar portali “ARA”, Agüero, i cili u largua nga ndeshja me dorën në gjoks, fytyrë e shqetësuar dhe me vështirësi në frymëmarrje, pësoi një episod aritmie kardiake.

Domethënë një ndryshim i pulsit që në varësi të origjinës nuk ka pse të ketë pasoja të menjëhershme në karrierën e tij profesionale. Në fakt, burimet e konsultuara theksojnë se sulmuesi tashmë e ka pasur këtë problem në të kaluarën dhe ka mundur të vazhdojë të luajë në elitën e futbollit.

Lexo edhe :  Në kërkim të një klubi, Mourinho: “Futbolli është jeta ime, mund të punoj me çdo klub”

Megjithatë, Barça dëshiron të jetë e kujdesshme dhe doktor Josep Brugada, i cili viziton Barnaclínic dhe qendra të tjera private në Barcelonë, do të jetë i ngarkuar për kryerjen e ekzaminimeve përkatëse në orët në vijim.

Madje nuk përjashtohet mundësia që Agüero të luajë sërish këtë javë, në të cilën janë dy ndeshje: Dinamo dhe Celta de Vigo!

Të fundit

“Plas lufta” në burgjet e Ekuadorit/ Shkaktohen trazira, qindra të vrarë në pak kohë

Ky lajm u njoftua nga qeveria, ku zëvendësministri i sigurisë Lyonel Calderon tha se numri ishte i përkohshëm, pasi...

VIDEO/ Çmenduria në Tiranë, hyn kundravajtje, dhunon shoferin tjetër që s’i hapte rrugën

TIRANË – Një sherr ka ndodhur ditën e djeshme në në rrugën “Teodor Keko” në lagjen Astir, ku një shofer i cili kishte hyrë kundravajtje,...

Arrestimi i ish-drejtorëve të Bashkisë Tiranë/ Zbardhet skema: Si u fituan 11 tendera…

Gazetarja Anila Hoxha, në një lidhje direkte për “Top Story” ka shpjeguar sesi u abuzua me 11 tendera të fituara nga kompania që ish-drejtorët...

Upss kaq ishte! Ndahet çifti i ‘Për’puthen’ Saide dhe Gerti

Gerti dhe Saide, në Ditën e të Dashuruarëve u deklaruan për njëri-tjetrin në emisionin ‘Për’puthen’. Nga disa kërkime të bëra në redaksinë tonë, kemi vënë...

Kategoritë që përfitojnë rritje rroge nga 1 Korriku, ja sa do të jetë shtesa

Punonjësit e administratës publike do të përfitojnë rritje të pagës, duke filluar nga 1 Korriku 2024. E ndërsa paga mesatare mujore bruto në sektorin...

Lajme të tjera

Web TV