Dy vëllezërit Kovaçi nga Elbasani u plagosën rëndë me thika tre ditë më parë. Fatkeqësisht njëri prej tyre, Florenc Kovaçi, humbi jetën si pasojë e plagëve të marra, ndërkohë që vëllai i tij, 19 vjeçari Mikel Kovaçi po lufton për jetën te Spitali i Traumës.
Nëna e dy të rinjve ka folur sot për mediat. Si shkak për ngjarjen dyshohet se është bërë një vajzë me të cilën ishte në një marrëdhënie Mikel Kovaçi, vëllai i viktimës. Ajo ka bërë një deklaratë të fortë për autorin Ardit Hida dhe motrën e tij, e cila dhe sipas nënës, ka qenë molla e sherrit që më pas i mori jetën djalit të saj.
Mirela Kuçi, ka thënë se autori duhet të kalbet në burg ose ata do të bëjnë vetëgjyqësi. Për vajzën është shprehur se do ta djegë me benzinë.
Deklarata e nënës së dy vëllezërve Kovaçi:
Ai të kalbet brenda në burg. Dua të drejtën e djalit. Ai gjallë nuk rri, do jem unë shkaktare që do e vras. Siç iku djali im 26 vjeç edhe ai do shkojë atje tek djali im.
Ajo gocë, ka qenë një plehrë, ajo është rrot k*rve pinte drogë. Ka ardhur tek lagjia kur po qanim djalin. Vetëm mos e takofsha, do marr benzinë dhe do e djeg. Iku djali im ashtu do iki dhe ajo. Sa të mbyll vuajtjen për çunin, nuk e lej të gjallë. Nuk kanë kërkuar falje, mos t’u shkoj në shpi se i shqyej.
Djalin e gjeta në spital dhe më la amanet gocën, nuk mundi të fliste më, e kishin goditur me thikë në zemër.
