Deputeti i PD-së, Kreshnik Çollaku, njëherësh anëtar i Kryesisë shprehet e PD-ja ka vetëm një Kuvend, e ai, sipas tij, është i datës 18 dhjetor.
Ai në Zona Zero e cilësoi si një debat artificial datën 18 dhjetor dhe që i shkon për shtat atyre që duan të përçajnë PD-në.
“Më duket një debat artificial, PD është një, të mblidhen të gjithë në një datë, më 18 dhjetor. Më 11 apo 18 dhjetor është i kotë, nxitën nga skizmë që i çon hulli PS-së. Përplasja për datën e Kuvendit. Nuk e di çfarë pengese ka që të mblidhen të dy Kuvendet në një. Kishte debate ne Kryesi, por asnjëherë nuk shkoi në përplasje fizike. Është një moment që të diskutojmë”, tha Çollaku.
“Situata është e pazakontë, nuk e fsheh. Prodhon emocione e sensbilitete të ndryshme, po nëse gjendet ADN e duhur dhe ndërgjegjja do të dominojë besoj se dalim nga kjo. Duke i bërë thirrje ndërgjegjes dhe jo interesave do të dominojnë dhe do të dalim më të bashkuar”, theksoi Çollaku.