PD zyrtarisht e çarë, Basha-Berisha luajnë Kuvendshe

113 563 lexime

124,178FansaPëlqeje

Ish-kreu demokrat Sali Berisha ka thirrur Kuvendin Kombëtar me më shumë se gjysmën e delegatëve për tu zhvilluar më datë 11 dhjetor, ndërsa Basha i bën sfidë duke i kërkuar demokratëve të mblidhen më 18 dhjetor. Çfarë pritet të ndodhë në këtë përplasje dhe sfida me numrat se kush do të mbledhë më shumë anëtarësi. Berisha për Bashën dhe Ramën: Askush nuk do e ndalë revolucionin paqësor.

Foltorja e Sali Berishës pritet të mbledhë më 11 dhjetor Kuvendin Kombëtar me më shumë se 50 përqind të anëtarëve. Me mbi 4200 firma të delegatëve ish-kreu i PD-së ka kërkuar që të mblidhet Kuvendi për të miratuar vendimit, ku ndër të tjerat do të jetë dhe shkarkimi i kreut të Partisë Demokratike Lulzim Bashës. Por një deklaratë e çuditshme ka dalë ditën e djeshme nga ky i fundit i cili ka kërkuar që Kuvendi Kombëtar të mblidhet më 18 dhjetor çka do të thotë se do të kemi dy Kuvende në një javë, duke treguar dhe kokëfortësinë e kryetari Basha i cili po sfidon fortë ish kreun historik të PD-së Sali Berishën. Pra Basha dhe Berisha po luajnë një lojë Kuvendshe. Ditën e djeshme kryedemokrati, Lulzim Basha ka thirrur Kuvendin e Partisë Demokratike më 18 dhjetor. Ky vendim erdhi nga mbledha e Kryesisë së PD-së. Basha tha se 11 dhjetorin nuk mund ta shndërrojë dot Berisha, nga dita e lirisë dhe e demokracisë, në ditën e bunkerizimit të PD. “Për disa vendime të mijat, në pamje të parë, mund të duket se i turbullojnë demokratët, mund edhe t’ja arrini për një kohë të shkurtër, por demokratët kanë mencurinë për të dalluar të keqen nga e mira, për të dalluar ata që bëjnë sikur luftojnë, dhe ata që vërtetë janë në betejë me regjimin e Edi Ramës. Çfarë pune ka me PD, por nëse doni edhe me Sali Berishën: Qifja, Suel Çela, Rrahman Rraja, Tom Doshi. Shumë njerëz jo vetëm demokratët pyesin: C’ne këta me Kuvendin e Partisë Demokratike? Pse kaq të investuar këta për një akt të tillë?”, ka shktuar pyetjet Lulzim Basha për të akuzuar Berishën se është duke ndihmuar Edi Ramën, duke dobësuar Partinë Demokratike. Dhe Basha e ka një shpjegim. “Shpjegimi është i thjeshtë: Disa duan të jenë faktorë në PD dhe të vijojnë aferat e tyre korruptive e kriminale me PD-në siç kanë bërë e bëjnë me PS e Ramës. Disa të tjerë, që presin të shpallen non grata, u intereson kjo perplasje per te mbrojtur veten e tyre. Të gjithë këta që përmenda në një formë a tjetër janë njerëzit e Ramës, i shërbejnë vetëm Ramës, nuk vrasin mendjen as shqetësohen që demokratët janë pa bukë, janë nën presionin e pushtetit, janë papunë. U ka shkelur syrin Rama të futen në betejë nën flamurin e Berishës per te percare PD dhe zgjatur jeten politike të Edi Ramës”, tha ai. Ai tha se është sakrifikuar shumë për të mos bërë PD pis. “Kemi sakrifikuar shumë për të mos e berë pis PD. Për ta mbajtur Partinë Demokratike të pastër nga krimi. Ska për të ndodhur as tani, as sot dhe as nesër. Nuk do të ketë Kuvend kombëtar të PD më 11 dhjetor”, tha Basha duke i bërë sfidë të hapur Berishës, i cili i ka rrëmbyer Bashës më shumë se 4200 delegatë. “11 Dhjetorin nuk mund ta shndërrojë dot Sali Berisha, nga dita e lirisë, dita e demokratëve, dita e demokracisë, në ditën e bunkerizimit të PD, në ditën e izolimit të PD. Ai dëshiron ta bëjë, sepse vetëm ashtu mendon se i shërben hallit të tij. Por detyra jonë është ti shërbëjmë hallit të demokratëve dhe jo hallit të Sali Berishës. Partia Demokratike e Shqipërisë do të përqëndrohet tek ajo që kemi marrë përsipër: ti prijmë demokratët drejt qeverisjes së vendit, të mundim të vetmin kundështar që kemi Edi Ramën dhe të krijojmë një të ardhme për shqiptarët”, tha ai. Basha nënvizoi se do ju shërbej demokratëve dhe hallit të Berishës duke bërë thirrjen për 18 dhjetorin. “Për këtë arsye, për t’i shërbyer demokratëve dhe jo hallit të Sali Berishës, i propozoj Kryesisë së Partisë Demokratike: Thirjen e Kuvendit Kombetar me 18 dhjetor”, tha Basha.

Lexo edhe :  A është normale të ndiheni të uritura gjatë ditëve të ciklit menstrual

Reagimi i Berishës: Kuvendi më 11 dhjetor

Ish-kryedemokrati Sali Berisha, në një konferencë shtypi të papritur ka akuzuar Bashën si i mbajtur peng nga Rama nuk do të mundë që të mposhtin 4200 firmëtarët që kërkojnë mbajtjen e Kuvendit Kombëtar në datën 11 dhjetor. Gjithashtu Berisha është shprehur i vendosur për të mos lejuar ndryshimin e agjendës së rendit të ditës së Kuvendit Kombëtar. “Anëtarësia e PD-së po i përmbahet me rigorozitet statutit të saj. Përpjekja e Bashës është banale, qesharake e pabesë, e pashpresë e pavlerë”-tha Berisha. Sipas tij, 11 dhjetori do të rikthejë liritë dhe të drejtat, e përjashtuara në radhët e PD-së, nga peng Basha sikurse e konsideroi Berisha. Sipas tij, “kryesia e PD-së është ilegjitime dhe u kujtoj të ashtëquajturve anëtarë të saj që për integritet të tyre nuk duhet të lejojnë karriget e tyre në kundërshtim të Kushtetuitës së Partisë Demokratike”.

Të fundit

“U largova nga futbolli pasi nuk e njihja më”,Klose: Të rinjtë e kanë mendjen tek makinat

Miroslav Klose është një nga ata që ka shkruar historinë me fanellën e kombëtares së Gjermanisë, por edhe Bayern...

Shtatzënia përshpejton plakjen, por ja çfarë ndhodh pas lindjes

Ndryshimet e thella fizike, hormonale dhe kimike që lidhen me shtatzëninë mund të bëjnë që ora e plakjes të kthehet më shpejt, duke i dhënë moshës biologjike të...

“Eglën e njoh shumë mirë…”/Hygerta Sako zbulon detaje për banoren jashtë shtëpisë së BBV

ot e ftuar në emisionin “Big Brother Radio” ka qenë gazetarja Hygerta Sako, për të bërë një analizë të lojës së banorëve dhe për...

Aktiviteti elektoral i presidentit Biden me ish-presidentët Obama e Clinton,shënon rekord

Shuma e dhurimeve është një demonstrim i mbështetjes së demokratëve për presidentin Biden në një periudhë kur anketimet vazhdojnë të tregojnë nivele të ulëta...

Ngacmimet nga interneti/ Tirana në vend të parë për numrin e denoncimeve

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është qyteti i dytë pas Tiranës që ka raportimet më...

Lajme të tjera

Web TV