Situata në Partinë Demokratike nuk është aspak e qetë që pas momentit kur Sali Berisha u shpall “non-grata” dhe më pas u përjashtua nga grupi parlamentar i partisë.
Që prej asaj dite, Berisha nisi turin e foltoreve në shenjë hakmarrje ndaj Bashës dhe njoftoi se tashmë ka siguruar 4200 firma për të mbledhur Kuvendin Kombëtar më datë 11 dhjetor.
Nga ana tjetër dhe kryetari i PD-së, Lulzim Basha ka qenë i palëkundur në qëndrimet e tij. Pasi vetë Berisha shprehu ambicien për tu rikthyer jo vetëm në krye të partisë por edhe në krye të qeverisë, ai i ka komentuar lëvizjet e Berishës duke thënë se gjithçka po bëhet për interesat personale të ish-kryeministrit.
Nga ana e tij, Basha njoftoi se Kuvendi Kombëtar do të mblidhet në datën 18 dhjetor, duke ja bërë të qartë këtë gjë Berishës dhe mbështetësve të tij. Propozimi i Bashës është votuar në kryesinë e Partisë Demokratike me 26 vota pro në favor të Bashës dhe 3 kundër.
Për ta përmbledhur gjithë situatën brenda selisë blu, ka menduar botuesi i revistës “Kunji”, Haxhi Isufi.
Ai ka publikuar një karikaturë të Berishës dhe Bashës me ish-kryeministrin që tenton të godasë me karrige kryetarin e PD-së, si simbol për dëshirën e doktorit për tu rikthyer në krye të PD-së. Ndërkohë brenda fotos, ai shkruan: “Afati i fundit, 10 dhjetori 2021”.