Një tentativë grabitjeje ka ndodhur mbrëmjen e sotme. Një person ka hyrë në një banesë i armatosur, por është larguar sapo është pikasur nga të zotët e shtëpisë.
Policia njofton se në Vishnje të Tiranës, në oborrin e banesës së shtetasit Sh. A. ka tentuar të futet një person ende i paidentifikuar, dyshohet i armatosur. Ky person është konstatuar nga pjesëtarët e familjes.
Menjëherë në vendngjarje janë nisur shërbimet e Komisariatit të Policisë Nr.6 dhe Forca e Posaçme Shqiponja.
Nga veprimet paraprake rezulton se personi nuk është futur në banesë, por është larguar me shpejtësi kur ka konstatuar se është diktuar nga pjesëtarët e familjes.
