Dy vjet nga tërmeti/ Politika e përçarë edhe në fatkeqësi

113 563 lexime

124,178FansaPëlqeje

Dy vjet pas tërmetit të 26 nëntorit 2019, Lulzim Basha dhe Edi Rama mbajnë qëndrime që përplasen me njëri tjetrin në sjelljen e realitetit dy vite me pas. Rama ka premtuar se do marrin shtëpitë para Krishtlindjeve, ndërsa Basha ka sjellë banorë që ende sjanë shpërblyer

Politika shqiptare edhe kur vjen puna tek fatkeqëitë natyrore ndahen kur duhet të jenë më të bashkuar për tia dalë. Ndërsa nga njëra anë kemi kryeministrin e Shqipërisë që premton shtëpi për çdo të dëmtuar para fillimit të ftestave të fundvitit, kryedemokrati Lulzim Basha ka selektuar në dyvjetorin e tragjedisë të gjejë një familje për të qarë hallin dhe për tju “ankuar” kryeministrit se nuk po bën asnjëgjë. Pas 2 vitesh nga tërmeti tragjik i 26 nëntorit ku humbën jetën 51 qytetarë dhe mijëra banesa u shkatërruan, kryedemokrati Lulzim Basha është rikthyer në Durrës për të vizituar një familje të prekur nga kjo fatkeqësi, ku sipas tij për gjendjen e tyre të rënduar përgjegjësinë e ka qeveria e Edi Ramës. “Gjysma tjetër e tragjedisë e cila nuk ka zgjatur për disa minuta siç zgjati tërmeti, por ka zgjatur për 2 vite me radhë është njerëzore ose më mirë të themi është çnjerëzore dhe është harresa është braktisja. Është shpërdorimi kriminal i pushtetit dhe i fondeve të pushtetit që të gjithë e pamë se kishte një qëllim. Të ju mbanin të lidhur pas vetes dhe të ju përdornin si mish për top në masakrën zgjedhore të 25 Prillit”, tha Basha. Kreu i demokratëve ju rikthye premtimeve që bënte në fushatën elektorale të 25 prillit për familjet e prekura nga tërmeti duke u zotuar se nuk heq dorë prej angazhimeve të tij.

“Unë jam sot këtu për t’u zotuar që familja jonë politike, Partia Demokratike e Shqipërisë është e vendosur ta çojë deri në fund kauzën e dëmshpërblimit të drejtë për të gjithë dëmet materiale që kanë pësuar mijëra familje nga tërmeti si dhe për të vënë para përgjegjësisë ata njerëz të cilët u rëndojnë jetët e banorëve të 2 pallateve në Thumanë. Të shohin ditën e tyre para ligjit”, shtoi kryedemokrati. Basha theksoi se do të vijojë të qëndrojë në krah të gjitha familjeve pa asnjë kalkulim politik dhe paraelektoral. Kryeministri Edi Rama me anë të një postimi në rrjete sociale shkruan se tragjedi të tilla janë sprovë për popujt dhe shtetin. Ai shtoi se sot, dy vite më vonë jemi ngritur më të fortë.

Lexo edhe :  Kandidimi i Belerit në Himarë/Minxhozi:Qëllimi për të prishur marrëdhëniet Shqipëri-Greqi

Përplasja në dy vite

Si menaxhimi i tragjedisë, ashtu edhe procesi i Rindërtimit, vijoi të mbetej kryefjalë e deklaratave të sukseseve dhe akuzave politike, ndërsa familjet e prekura vijonin në çadra dhe banesa me qira me bonusin e qeverisë. Në muajt që i paraprinë zgjedhjeve të 25 prillit, kryeministri dhe drejtues vendorë socialistë, nisën të shkonin me çelësa në dorë drejt fatkeqve që 26 nëntori i 2019 i la pa shtëpi, duke e argumentuar me pandeminë mosmbajtjen në afat të premtimeve. Kundërshtarët e pushtetit e quajtën propagandë. Zyrtarët e PD-së, një nga një zbritën në zonat e tyre elektorale duke takuar familje që deklaronin se nuk kishin përfituar asgjë nga programi i Rindërtimit. Përplasja shkoi deri aty sa opozita kërkoi ta ndalonte me ligj reklamimin e Programit të Rindërtimit dhe me marrëveshjen e 5 qershorit, palët ranë dakord në Kod Zgjedhor që qeveria të mos promovonte punët e saj në fushatë. Por vetëpërmbajtja mungoi dhe demokratët e adresuan çështjen në Komisionin Qendror të Zgjedhjeve, i cili ndaloi dhënien e çelësave për shtëpitë e tërmetit para zgjedhjeve, por jo reklamimin e ndërtimeve të reja. Në kampin demokrat, qëndrojnë akuzat se në bashkitë e prekura ka pasur pabarazi në trajtimin e familjeve dhe abuzime përmes të cilave kanë përfituar dhe njerëz të paprekur nga tragjedia e dy viteve më parë.

Të fundit

Merret VENDIMI / Ja kush është kryetarja e re e Bashkisë Himarë

Pas tensioneve të larta dhe debateve, mbledhja e Këshillit Bashkiak të Himarës dhe pasi u shty për në orën...

Si ta kuptosh nëse je i/e mirë në shtrat?

Si fillim, ekspertët theksojnë se trajtimi i seksit si një akt ku ka rëndësi performanca mbi gjithçka është shumë e gabuar sepse largon vëmendjen...

Analiza: Ja si mund të ndihmojë Shqipëria Ukrainën në përballimin e sulmeve ruse

Në muajin shkurt presidenti ukrainas Volodymyr Zelensky i kërkoi Ballkanit Perëndimor të prodhojnë bashkërisht armatime. A mund të ndihmojë rajoni dhe a janë në...

Një në tre gjermanë i pakënaqur me ndryshimin e orës

Në Gjermani vetëm një e treta e qytetarëve besojnë se kalimi në orën verore ka një ndikim negativ në shëndetin e tyre, sipas një...

Kur do të zhvillohet/ Shtyhet mbledhja për zgjedhjen e drejtuesit të ri të Himarës

Është shtyrë mbledhja për zgjedhjen e drejtuesit të ri të Himarës pas tensioneve të krijuara në mbledhjen e Këshillit Bashkiak. Përplasjet në sallë erdhën pasi...

Lajme të tjera

Web TV