Turma e mbledhur në stadiumin ‘Air Albania’ e ka ekzaltuar së tepërmi Sali Berishën, i cili duket se ka harruar qëllimin e Kuvendit të thirrur prej tij, ndërsa filloi të bënte premtime sikur të ishte në fushatë elektorale. Ai premtoi rivendosjen e barazisë para ligjit, ekonomi tregu dhe rikthimin e dinjitetit njerëzor.
“Kuvendi mblidhet si monument i lirisë shqiptare, monument madhështor i rithemelimit të PD. Sot vendosim të rithemelojmë forcën e madhe politike të PD, ta shndërrojmë atë në partinë e idealeve më fisnike, në partinë e interesit kombëtar, integrimeve të fuqishme Euroatlantike, por mbi të gjitha në partin e qytetarit, anëtarit, forcën politike që nesër në pushtet do të ketë epiqendër qytetarin shqiptar. Do të rivendosim në liritë dhe të drejtat e individit, dinjitetin njerëzor familjen shqiptare dhe vlerat e saj, ekonominë e tregut, barazinë para ligjit. Sot interesi kombëtar vuan më shumë se kurdoherë tjetër që nga diktatura komuniste. “, tha Berisha.
