Mblidhet Kuvendi i thirrur nga Berisha por çdo gjë është ‘mjegull’, pse s’janë të ftuar vëzhgues të paanshëm?

113 563 lexime

124,178FansaPëlqeje

Të marrësh vesh se çfarë po ndodh deri në këto momente në stadiumin Air Albania është e pamundur! Është një situatë paradoksale duke parë numrin e lartë të mediave informative dhe të gazetarëve që janë në transmetim live dhe vrapojnë mes militantësh dhe delegatësh të kuptojnë: Sa Delegatë të PD-së janë prezent? Të vetmet shifra i ofron PD e Berishës dhe media e familjes së tij. Gjithë mediat e tjera janë në kaos verifikimi dhe mjaftohen me skemën që është ofruar nga organizatorët dhe nga shifrat e tyre. Një ekran i madh projekton numrin e delegatëve që Berisha dhe të tijët pretendojnë se janë ata. Asnjë vëzhgues i paanshëm as nga partitë motra të PPE, ku PD aderon. Asnjë mundësi për të verifikuar nëse ata që projektohen si numër delegatësh janë realisht delegatë dhe kartat e tyre të identitetit janë të përsonave që janë në stadium. Njerëzit që kanë akuzuar përherë “manipulime” të zgjedhjeve, sot po organizojnë situatën më kaotike të trasparencës në një betejë kaq të rëndësishme brenda partisë më të madhe në opozitë.

Sigurisht, siç jemi mësuar, forumi i “Foltores” do ta arrijë kuorumin e dëshiruar për të bërë atë që ëndërron dhe ndoshta si në 1996 do të ketë më shumë vota se sa votues, por asnjë gazetar, deri më tani, nuk është lejuar të jetë në vijën e parë të verifikimit të numrave që po shpallen dhe të dokumenteve të tyre. Në epokën e teknologjisë, celularëve, skenave të luksit e projektorëve megagalaktikë, errësira ka rënë pikërisht aty, perdet janë të rënda dhe të patejdukshme pikërisht në informacionin që përbën diferencën: A janë vërtetë delegatë ata që do të votojnë? A ka me të vërtetë Berisha shumicën e PD-së me vete? Deri në momentin që kjo gjë të kuptohet qartë, nën dritë të diellit, të telekamerave, mund të themi se Berisha dhe ndjekësit e tij, po gatuan atë që ka ditur e di ta bëjë mirë: mjegull, mungesë informacioni e transparence për të parë e kuptuar mirë. /Shqiptarja

Të fundit

Ja kategoritë që përfitojnë rritje rroge nga 1 Korriku 2024

Punonjësit e administratës publike do të përfitojnë rritje të pagës, duke filluar nga 1 Korriku 2024. E ndërsa paga mesatare...

Gaz Bardhi deklaratë urgjente, paralajmëron lëvizjen e radhës, ja çfarë pritet

Kreu i grupit parlamentar të PD Gazment Bardhi, ka njoftuar sot një deklaratë të jashtëzakonshme për shtyp. Ai pritet të dalë para mediave rreth orës...

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj është paraqitur në Prokurorinë e Posaçme, i shoqëruar nga avokati i tij mbrojtës. Ish-ministri është zyrtarisht i pandehur për dosjen e koncesionit...

“Je Papote”: Shqipëria magjeps me bregdetin dhe kulturën e pasur mesdhetare

Shqipëria është një vend i vogël, i cili ndodhet në veri të Greqisë, përballë Italisë jugore dhe në jug të Kroacisë, sipas një artikulli...

U arrestua për tjetërsim pronash, juristi tregon sa vite burg rrezikon Jorgo Goro

Juristi Redi Ramaj ka folur lidhur me arrestimin e ish-kryebashkiakut të Himarës, Jorgo Goro. Ai tha se rrezikon deri në 7 vite burg. Juristi u...

Lajme të tjera

Web TV