Ish-kryeministri Sali Berisha ka ‘sfiduar’ SHBA-në, duke votuar pikërisht në qendrën e ngritur pranë ambasadë së SHBA-ve, për shkarkimin e kryetarit të Partisë Demokratike, Lulzim Basha.
Një qendër votimi është ngritur pranë ambasadës amerikane, saktësisht tek lokal Bar Amerika.
“Për asnjë vend të lirë të botës, aq më tepër për SHBA, vendin e madh të lirisë, vota e lirë nuk mund të jetë asgjë tjetër, veçse e mirëpritur dhe respekt”, u shpreh Berisha pas votimit.
Kështu ish-kryeministri sfidon SHBA-në, duke ngritur qendrën pikërisht ngjitur me selinë diplomatike amerikane, edhe pse tashmë ai është shpallur që nga muaji maji si person Non-grata nga ana e Departamentit Amerikan të Shtetit.