Gjenerali amerikan u lind me 23 dhjetor të vitit 1944
Uesli Klark është një ish gjeneral në i Ushtrisë së Shteteve të Bashkuara. Ai u diplomua si valediktor i klasës së vitit 1966 në West Point dhe iu dha një Bursë Rhodes në Universitetin e Oksfordit, ku mori një diplomë në Filozofi, Politikë dhe Ekonomi…
…Uesli Klark është bërë i njohur në qarqet e gjëra shqiptare pas emërimit të tij komandant Suprem i Forcave të Bashkuara të NATO-s për Evropën më 11 korrik 1997. Klark gjatë luftës në Kosovë udhëhoqi fushatën e bombardimeve kundër objektivave serbe dhe kjo e ka shndërruar atë në njërin nga personalitetet më të vlerësuara në Kosovë.
Uesli Klark për luftën në Kosovë ka thënë se: “Këto ishin bombardime politike ndaj Serbise, sepse si gjeneral ushtarak, ju garantoj, se ndryshe, lufta në Kosovë do të kishte mbaruar për katër ditë”.
Fillimet
Si i ri mbeti pa baba dhe u adoptua nga bashkëshorti i ardhshëm i nënës së tij, Viktor Klark. Këtë gjë si dhe origjinën e tij, Ueslei e mësoi shumë vonë, pas moshës 20 vjeçare. Ai u lind me 23 dhjetor të vitit 1944. Babai i tij biologjik ishte Benjamin Jacob Kanne që kishte origjinë hebreje, i ardhur në Amerikë nga Rusia në fund të shek. XIX. Klark është i martuar me Gertrud Kirgiston nga Bruklini me të cilën ka një fëmijë, Wesley i Riu, i cili ka përfunduar studimet në Kaliforni.
Shkollimi
Gjenerali Clark ka përfunduar Akademinë ushtarake në West Point të New York-ut, si kadeti dhe përfunduar studimet e larta të ekonomisë dhe politikës në Oksford të Anglisë në vitin 1966-1968.
Kështu gjatë periudhës së studimeve, Clark-u ka diplomuar në Kolegjin Kombëtar të Luftë, Kolegjin e Komandës së Përgjithshme (për Oficer të njësiteve të blinduara në doktrinën e përgjithshme, të Vëzhguesit si dhe të komandantit të njësive ajrore)
Karriera
Në vitin 1976-1977 Clark-un e gjejmë si asistent special të drejtorit për buxhet në Shtëpinë e Bardhë të SHBA-së dhe si asistent i profesorit të shkencave Sociale në Akademinë ushtarake të SHBA-ve.
Në luftën e Vietnamit, atë e gjemë si toger që komandonte me tri kompani, të cilat ishin me detyrë luftarake në Lai Khe. Njësia e tij dallohej nga të tjerat për mënyrën e planifikimit dhe të ndërmarrjes së operacioneve luftarake, çka do të thotë se kishte rezultate të shkëlqyeshme. Për suksesin dhe trimërinë e dëshmuar ai u dekorua me shpërblimin “Silver Star” (ylli i argjendtë).
Deri në vitin 1986 shërben si komandant i batalionit të parë të brigadës 77 të Divizionit të katërt dhe në këtë vit dhe në vazhdim të Luftës së Ftohtë, Klark merr përsipër komandën e brigadës së tretë të Divizionit të katërt të këmbësorisë. Këtë postë e mbanë deri më 1988.
Në periudhën 1994-1996 ai ishte përgjegjës për planifikimet e politikës ushtarake të SHBA-ve në botë pran Institutit për Planifikime Strategjike. Gjatë kësaj angazhohet në ngjarjet në Ballkan dhe për këtë qëllim së bashku me Holbrook-un disa herë u takua me liderët e serbëve të Bosnjës për të përgatitur takimin e Dayton-it.
Nga qershori i vitit 1996 deri në korrik 1997, shërben si komandant i forcave të NATO-s për Amerikën Latine dhe Karaibet.
Lufta e Kosovës
Më 11 korrik 1997 emërohet komandant Suprem i Forcave të Bashkuara të NATO-s për Evropë dhe më 23 mars 1999 nga sekretari i Përgjigjëm i NATO-s Havier Solana merr urdhrin për fillimin e reagimit ushtarak ndaj gjenocidit në Kosovë të ndërmarrë nga ish-Jugosllavia. Intervenimi nën komandën e Clark-ut nga qarqet ushtarake merret i suksesshëm pasi që i arriti objektivat e parapara të intervenimit e që ishin:
-ndalimi i menjëhershëm i të gjitha aktiviteteve ushtarake dhe paramilitare të njësive serbe
-ndalimi i menjëhershëm i shpërnguljes me dhunë të banorëve nga Kosova
-kthimi i pakusht i të gjithë të larguarve nga Kosova
-përdorimi i një force ndërkombëtare për sigurinë e qytetarëve dhe jetësimin e këtij plani
ardhja e virifikatorëve ndërkombëtarë në Kosovë
Gjatë kësaj ndërhyrje ai futi në përdorim edhe helikopterët Apash (Apache) dhe përgaditi hapësirën për sulmim në atë masë sa që më 20 prill edhe Bullgaria e vuri në dispozicion hapësirën e saj me kusht të garantimit të mbrojtjes së territorit të saj.
Epilogu
Operacioni i fundit të cilin Uesli Klark e drejtoi si shef i forcave të përbashkëta të NATO-s në Evrope ishte pikërisht ndërhyrja në Kosovë. Menjëhere pas luftës në Kosovë Klark doli në pension.