Ish-kryeministri Sali Berisha në diskursin e tij politik kundër Lulzim Bashës, ka pasur edhe akuzat se ky i fundit është takuar me Taulant Ballën dhe socialistë të tjerë.
Ndërkohë kreu i grupit Parlamentar të PS-së, Taulant Balla i ka hedhur poshtë akuzat e ish liderit të PD-së. Sipas Ballës me Bashën i ka bërë bashkë një fatkeqësi e ndodhur në familjen e një personi të njohur për të dy.
Balla ka shtuar se me Bashën do të takohet vetëm në gjyq.
“Ka qenë një vizitë në një familje të një miku. Dhe që kemi rastisur sigurisht me shumë njerëz të tjerë. Se do tregoja se aty kam rastisur edhe persona që janë rreshtuar në krah të foltores së Berishës. Por atë e ka shoqëruar nekrofilia dhe shqiptarët nuk e kanë zakon të përdorësh fatkeqësinë familjare. Sali Berisha ka mohuar lidhje familjare në rastin e Gerdecit. Pra i përdor mish për top për politikën e ditës. Unë me Lulzim Bashën janë me një gjyq për shpifje. Dhe pres të takohemi në Apel me Bashën se e drejta ka qenë me mua dhe do fitoj. Do jetë në gjyq i vetmi takim.” tha Balla.