Të zbukurosh festat me artizanët e Gjirokastrës

113 563 lexime

124,178FansaPëlqeje

Suveniret në gurskalitje kanë tërhequr edhe interesimin e turistëve, të cilët vizitojnë zonën muzeale, në këto ditë të festash

Nga Blerim Kore

Dalta e drugdhendësit godet ritmikisht copëzën e drurit, ndërsa mbi të ka nisur të ravijëzohen format e një bredhi, simbolikës së festave të fundvitit. Përgjatë këtyre ditëve mjeshtri drugdhendës Anastas Petridhi ka përgatitur një sërë suveniresh karakteristike, me motive nga festat e fundvitit.

Me gjithë temperaturat e ulta të motit, në qendrën e tij të artizanatit, në Pazarin tradicional të Gjirokastrës, vazhdimisht ka lëvizje. “Përgjatë kësaj periudhe festash kam realizuar në drugdhendje zbukurime dekorative”, shprehet drugdhendësi gjirokastrit, ndërsa me daltë vazhdon të ravijëzojë konturet e bredhit në copëzën e drurit. “Ne, artizanët e Pazarit të gurtë, tashmë e kemi bërë traditë që në periudhën e festave të fundvitit të përgatitim punime dhe suvenire karakteristikë, për zbukurimin e mjediseve apo për t’i patur si kujtim nga udhëtimi i fundvitit në Gjirokastër”, pohon drugdhendësi Anastas.

Në mjediset e qendrës së tij të artizanatit janë ekspozuar dekoracione të ndryshme, të gdhendura në dru apo punuar në pirografi, bredhat simbolikë të festës, punime dhe ornamente me motive floreale, etj të gjitha të realizuara me kujdes dhe pasion.
Për mjeshtrin drugdhendës krahas dobishmërisë për zbukurimin e mjediseve, kryesisht familjare, këto punime karakteristike janë edhe një mënyrë urimi për festat e fundvitit. “Gjatë këtyre ditëve në Gjirokastër ka patur dhe turistë, të cilët kanë marrë si suvenir nga udhëtimi i tyre punime dhe suvenire karakteristike”, shprehet drugdhendësi gjirokastrit. Motivet e festave të fundvitit kanë tërhequr edhe artizanet e qëndisjes tradicionale.
Qëndistarja Vjollca Mezini, e cila administron një biznes të përgatitjes se qëndisjeve karakteristike, shprehet se gjatë këtyre ditëve ka realizuar punime të larmishme, për zbukurimin e mjediseve familjare. “Suveniret e qëndisura me dorë, në mënyrë karakteristike, si çentrot, dantellat, mbulesat e tavolinave, zbukurimet e ndryshme, etj kanë tërhequr vëmendjen e banorëve por edhe turistëve”, shprehet qëndistarja gjirokastrite.

Lexo edhe :  Zgjoheni në mëngjes dhe ndizni direkt një cigare? Ja nga çfarë sëmundje po vuani

Në mjediset e qendrës së artizanatit që ajo administron nuk mungojnë dhe zbukurimet e përgatitura për bredhin e festave. “Është një mënyrë e veçantë që banorët dhe turistët gjithmonë e më shumë kërkojnë zbukurime të tilla, sepse jo vetëm hijeshojnë festat por është interesim dhe mbështetje për traditën dhe artizantin”, shprehet qëndistarja Vjollcë.
Pjesë e suverireve të realizuara prej saj janë edhe punimet në qëndisje me simbolikat e Gjirokastrës së gurtë si: Qafa e Pazarit, kalaja apo komplekset muzeale. “Punime të tilla në qëndisje me dorë preferohen gjithmonë e më shumë nga turistët, të cilët i marrin si suvenir nga udhëtimi i fundvitit në qytetin tonë”, pohon qëndistarja gjirokastrite. Natyrshëm suvenireve karakteristikë të realizuara gjatë festave të fundvitit, nga artizanët në Gjirokastër, nuk kanë si t’i mungojnë punimet në gurgdhendje.

Mjeshtri artizan Ermal Makri ka realizuar në gurskalitje punime të tilla, mjaft interesante. “Pjesa më e madhe e tyre janë suvenire të gdhendura në gur kryesisht me motive floreale apo zbukurime për mjediset e ndryshme, në këtë atmosferë të fundvitit”, shprehet mjeshtri gurskalitës.

Suveniret në gurskalitje kanë tërhequr edhe interesimin e turistëve, të cilët vizitojnë zonën muzeale, në këto ditë të festash.

Falë punës dhe talentit të artizanëve gjirokastritë, suveniret karakteristikë të përgatitur prej tyre, tashmë janë pjesë e atmosferës së festave dhe një tërheqje e këndshme për turistët, që vizitojnë në këtë fundviti Gjirokastrën.

Të fundit

Shqiptari arratiset nga burgu në Zvicër

ZVICËR- Një shqiptar nga Kosova është arratisur nga burgu në Wauwilermoos i Lucernit, ku ishte i dënuar me kusht. Ai...

Aplikacioni Telegram rrezikon bllokimin në Rusi, Kremlini: Po përdoret nga terroristët

Zëdhënësi i Kremlinit Dmitry Peskov ka deklaruar sot se aplikacioni i komunikimit Telegram dhe krijuesi i tij Pavel Durov duhet t’i kushtojnë më shumë...

Këshilli Bashkiak miraton bonusin e qerasë për familjet e Kombinatit

Këshilli Bashkiak i Tiranës miratoi listën e familjeve të Kombinatit, të cilat përfitojnë bonus qiraje pasi banesat e tyre u prekën nga procesi i...

Sterilizimi/ Ilir Beqaj zbulon detaje nga dosja hetimore: Kemi bërë kërkesë për…

Pas daljes nga SPAK ku u njoh me dosjen hetimore për Sterilizmin, ish-ministri i Shëndetësisë, Ilir Beqaj, i cili akuzohet për shpërdorim detyre, tha...

Ekspertët thonë jo! Nga tani mos qëndroni më zbathur në shtëpi, ja arsyeja e fortë

Pas një dite të gjatë me këpucët veshur me siguri gjithçka që doni të bëni është t’i largoni ato nga këmbët tuaja. Kjo për shkak...

Lajme të tjera

Web TV