Një i moshuar indian është arrestuar nga autoritetet pasi mori shumë doza vaksine kundër Covid, të cilat ai pretendon se kanë pasur një efekt shumë pozitiv në shëndetin e tij përtej mbrojtjes nga virusi.
Ish-postieri Brahamdev Mandal, një banor i fshatit Orai në Bihar, mori dozën e tij të parë të vaksinës më 13 shkurt 2021. Më pas ai u vaksinua rregullisht deri më 4 janar, kur komploti i tij u zbulua përfundimisht. Më vonë u zbulua se ai bëri udhëtime të gjata për të marrë dozat shtesë.
“Qendra Shëndetësore Puraini ka paraqitur një ankesë kundër Brahmdev Mandal”, tha zëdhënësi i stacionit të policisë Puraini në një deklaratë, të cituar nga mediat lokale.
Mjekët thanë në ankesën e tyre për Mandalin se ai i ka mashtruar duke i siguruar karta të ndryshme ID në qendrat e vaksinimit.” Ky akt është shkelje e rregullit të vaksinimit Covid-19 ”, tha policia, duke shtuar se tashmë pensionisti përballet me akuza të shumta.
Megjithatë, me gjithë këto telashe, Mandal, i cili thotë se i ruan të dhënat e tij të vaksinimit dhe këmbëngul se në shumicën e rasteve ka përdorur dokumentet e tij, duket se nuk është penduar për atë që ka bërë. Ai rekomandon që të gjithë ta marrin vaksinën, pasi “ është mjaft e dobishme ” dhe “ ndihmon edhe dhimbjet e shpinës ”. Ai tha se niveli i tij i oksigjenit është ” përmirësuar ” dhe ai nuk është kapur as nga ftohjet që nga fillimi i ‘maratonës së tij të vaksinave’.
In an unusual event, Brahamdev Mandal from Madhepura, Bihar took 12 shots of vaccine. But what is the reason for it? How did he manage to take twelve shots of the vaccine? Watch this story to find out more. #ITVertical #NewsMo #Vaccination #Vaccine #Coronavirus pic.twitter.com/bXXUqOrltc
— IndiaToday (@IndiaToday) January 10, 2022