Miliarderi liberal George Soros bëri thirrje për zëvendësimin e presidentit kinez Xi Jinping të hënën, duke krahasuar Lojërat Olimpike Dimërore të Pekinit 2022 me Lojërat Olimpike të vitit 1936 në Gjermaninë naziste.
Në një fjalim të mbajtur në Institutin konservator Hoover, Soros e quajti Kinën “shtetin autoritar më të fuqishëm në botë” dhe “kërcënimin më të madh me të cilin përballen sot shoqëritë e hapura”.
Soros pohoi se Kina, “si Gjermania në 1936”, do të “përpiqet të përdorë spektaklin” e Lojërave Olimpike të ardhshme të Pekinit “për të shënuar një fitore propagandistike për sistemin e saj të kontrolleve të rrepta”.
Ai gjithashtu e quajti presidentin Jinping “një besimtar të vërtetë në komunizëm”, ndryshe nga ish-udhëheqësi kinez Deng Xiaoping, i cili prezantoi reformat e tregut të lirë dhe paralajmëroi se “Mao Ce Duni dhe Vladimir Lenini janë idhujt e tij”.
China’s Xi Jinping is the greatest threat that open societies face today. The country’s roiling real estate market, falling population, and fast-spreading omicron variant might be his undoing, all during his prestige project of the Winter Olympics. https://t.co/1Pf0XEy29M pic.twitter.com/WMyWpPKg0y
— George Soros (@georgesoros) January 31, 2022
Soros e përfundoi fjalimin e tij me një thirrje për ndryshimin e regjimit në Kinë, duke i bërë jehonë linjës aktuale të shumë konservatorëve amerikanë, të cilët gjithashtu kundërshtojnë udhëheqjen e Xi Jinping.
“Ka shpresa se Xi Jinping mund të zëvendësohet nga dikush më pak represiv në vend dhe më paqësor jashtë vendit”
“Kjo do të largonte kërcënimin më të madh me të cilin përballen shoqëritë e hapura sot dhe ato duhet të bëjnë gjithçka në fuqinë e tyre për të inkurajuar Kinën që të lëvizë në drejtimin e dëshiruar” , deklaroi miliarderi.
Soros është themeluesi dhe kryetari i Fondacionit të Shoqërisë së Hapur, i cili mbështet kauzat liberale dhe të krahut të majtë në SHBA dhe në mbarë globin, duke përfshirë kështu lëvizjen “Black Lives Matter” dhe reformat e emigracionit. Ai ka treguar gjithashtu një interes në garat e avokatëve të qarkut në SHBA, duke investuar miliona në këto gara, me disa nga këta kandidatë të mbështetur nga Soros që tani mbikëqyrin ndjekjen penale në qytetet kryesore të Amerikës.
