Ergys Dashi është shqiptari, i cili u ekzekutua disa ditë më parë në Guayaquil, Ekuador. Policia vendase është duke hetuar ende ngjarjen dhe gjithçka lidhet me një grup të strukturuar kriminal ku Dashi bënte pjesë. Sipas autoriteteve ekuadoriane, Dashi ishte një nga drejtuesit më të rëndësishëm të trafikut të drogës në Evropë dhe në një pjesë të Azisë.
Historia e tij kriminale ishte aq e fshehur, saqë në Ekuador nuk kishte asnjë procedim penal dhe as nuk kërkohej nga drejtësia. Për këtë arsye, policia vendase ka treguar se ai ecte lirshëm nëpër rrugët e Guayaquil.
Së fundmi, JOQ ALBANIA ka zbuluar se Ergys Dashi ishte në një lidhje dashurie dhe së shpejti do të bëhej baba. Në redaksinë tonë kanë mbërritur fotot që Dashi bënte me të fejuarën e tij, të cilat postoheshin në instagram nga kjo e fundit.
Sipas një dëshmie, e fejuara e 34-vjeçarit, është në muajin e 9-të të shtatëzanisë dhe shumë shpejt pritet që të lindë. Siç shihet edhe nga fotot ata udhëtonin shumë të dy bashkë. Për çështje etike fytyra e vajzës do të mbulohet.
