Valdete Manaj, nuk vrau veten por u masakrua sot me thikë nga bashkëshorti i saj Petrit Manaj. Burime raportojnë se pasi kreu krimin e rëndë për shkaqe xhelozie, Petrit Manaj ka shkuar në një lokal për të ngrënë bukë. Ai duket se kishte bërë të gjithë skenarin në kokën e tij për ta bërë vrasjen e gruas të dukej si një vetëvrasje. Manaj kishte shkuar në lokal me idenë se ai nuk e dinte për krimin. Pasi është kthyer, ka pretenduar se kishte gjetur të vrarë gruan e tij dhe për këtë të parin ka njoftuar vëllanë e tij që e kishte polic në Fier. Ashtu siç e kishte njoftuar vëllai i tij, polici kishte raportuar në sallë se kunata i kishte vrarë veten.
Por pas marrjes në pyetje policia ka dyshuar dhe më pas ka zbuluar se Valdete Manaj nuk vrau veten por u masakrua me thikë nga bashkëshorti i saj. Burime bëjnë të ditur se autori është përleshur me viktimën, pasi kishte gërvishtje në trup.