Kandidati i Partisë Demokratike për zgjedhjet e pjesshme të 6 marsit në Durrës, Luan Hoti, ka bërë lapsusin e radhës. Gjatë takimit me demokratët e qytetit bregdetar, Hoti tha se Durrësi gjatë verës është vizituar nga 400 deri në 500 turistë, shifra të cilat s’janë fare korrekte.
“Çfarë ndodhi gjatë verës së vitit të kaluar. U mbytëm nga plehrat, në një qytet që gjatë verës i vinë 400-500 turistë.”-tha Luan Hoti.
Gafat me shifrat duket se po ndjekin njerëzit e Bashës, i cili jo pak herë ka bërë të tilla lapsuse në llogaritje.
