Forcat ruse gjatë javëve të fundit kanë vendosur gjithmonë e më shumë civilët në shënjestër, teksa tashmë janë ngritur akuza se ata përdorin përdhunimin si mjet lufte.
Kjo deklaratë erdhi nga prokurorja ukrainase Iryna Venediktova, duke akuzuar ushtarët e Moskës për përdhunimin e një gruaje në një shtëpi pranë Kievit, raporton The Independent.
Ushtarët, tha Venediktova, hynë në shtëpinë në Brovary, në periferi lindore të kryeqytetit, ku vranë burrin e gruas dhe më pas sulmuan seksualisht gruan e tij para syve të djalit të saj.
Kjo nuk është hera e parë që ushtarët rusë akuzohen për përdhunimin e vajzave dhe grave ukrainase, të cilat po përjetojnë tmerre nga ushtria e Putinit.
