TIRANË- Ambasadorja amerikane Yuri Kim është parë sërish sot në Kryesinë e Kuvendit, pas takimit që zhvilloi dje me kryetaren Lindita Nikolla.
Kim në Kryesi pritet të zhvillojë sot një takim me kreun e grupit parlamentar të Partisë Demokratike, Enkelejd Alibeaj. Ende nuk ka një informacion të konfirmuar për temën e bisedës së Kim me Alibeajn por situata e krijuar në PD pas marrjes së saj nga Sali Berisha mund të jetë ccështja kryesore.
Një tjetër temë bisede mund të jetë edhe zgjedhja e Presidentit të Republikës, duke pasur parasysh se dje u raportua se kryetari i grupit Parlamentar të PD pati biseda informale me grupin negociator të Partisë Socialiste, Ballën, Spiropalin dhe Gjiknurin.
Burime për gazetarin e Report Tv, Ermal Qori bëjnë me dije se Yuri Kim do të zhvillojë nesër takim edhe me kreun e grupit të Partisë Socialiste, Taluant Balla.