Me kalimin e viteve, zhanri i fantashkencës ka dalë nga barrierat për të eksperimentuar më shumë sesa thjesht robotë dhe një të ardhme distopike të dënuar nga duart e njerëzve të pakujdesshëm.
Regjisorët po krijojnë teknika dhe metoda të avancuara të krijimit të filmit që synojnë të tejkalojnë jo vetëm kuptimin, por edhe kohën. Një shembull i tillë është sipërmarrja unike dhe futuriste e titulluar 100 vjet: Filmi që nuk do e shihni kurrë.
Megjithatë, sado interesant të tingëllojë titulli, publikut do t’i duhet të presë edhe një shekull për të parë filmin.
I realizuar në bashkëpunim me kompaninë franceze Rémy Martin, John Malkovich dhe Robert Rodriguez, filmi i shkurtër nuk do të shfaqet deri në vitin 2115. Është me vend të theksohet se as krijuesit e filmit dhe as audienca e vetëdijshme për filmin nuk do të jenë gjallë për ta parë filmin.
