Kreu i grupit parlamentar të PS ka kërkuar 5 minuta pushim pas tensioneve që pati në foltoren e Kuvendit mes Sali Berishës dhe Enkelejd Alibeajt.
Balla argumentoi se nuk është respektuar rregullorja dhe kësisoj 5 minuta pushim nga seanca do të ishin të nevojshme.
“Libri që rregullon marrëdhëniet është rregullorja e Kuvendit. Për mua janë njëlloj të gjithë. Kryetari i grupit parlamentar ose person tjetër i ngarkuar merr fjalën. Këtu ka 3 grupe opozite. Ajo që ndodhi në sytë e publikut është një turp i madh. Kur në këtë sallë një deputeti i jepet fjala ai deputet duhet të marri fjalën. S’është ky këtu dhe askush tjetër të përzë njerëzit nga foltorja me forcë. Kërkoj pesë minuta pushim sepse me emër të rregullores”, tha Balla.