Një video tronditëse është duke qarkulluar në rrjet, teksa pamjet janë vërtetë shqetësuese.
Sipas mediave të huaja bëhet me dije se një autobus shkolle është përplasur me një makinë e cila lëvizte me 180 km/h duke bërë kështu që nxënësit e një shkolle në New Mexico të ‘fluturojnë’ në ajër.
Pamjet e publikuara këtë javë nga policia në Albuquerque tregojnë 23 fëmijë të shkollës së mesme duke biseduar qetësisht brenda autobusit, derisa papritmas fillojnë të bërtasin pasi autobusi që po i transportonte goditet nga një automobil i markës Ford Mustang.
Të gjithë të rinjtë shihen duke u hedhur nëpër autobus. Më pas, 23 të rinjtë brenda autobusit vazhdojnë të bërtasin dhe të thërrasin për ndihmë, ku të paktën dy prej tyre kanë pësuar lëndime të rënda dhe duhej ndërhyrja kirurgjike, njoftoi policia.
Shoferi i Mustangut, Mario Perez, 49 vjeçar u plagos gjithashtu dhe pas trajtimeve spitalore, është paraqitur në një gjykatë amerikane.
Ndryshe, ai mbetet në paraburgim pasi akuzohet për lëndime të rënda trupore të shkaktuara me automjet, një krim i shkallës së tretë.