Lideri historik i Partisë Demokratike, Sali Berisha ka mbajtur fjalën në Kuvendin Kombëtar. Sipas ish-kryeministrit këto muaj PD është përballur me kurthe dhe me përpjekje për të shkatërruar opozitën shqiptare. Ai shprehet se këto përpjekje kanë dështuar.
“Kjo parti nuk vdes kurrë. Ajo do jetoj më fisnike. Ju e rithemeluat atë se donim të fshinin nga faqja e dheut regjimin e bazuar në krimin, drogën, urrejtjen ndaj shqiptarëve. U bashkuam dhe rithemeluam PD. Ashtu siç lindi të mbetej avokate e pamposhtur e vlerave konservatore tradicionale” tha Berisha.
Berisha është ndalur edhe një herë tek ish-kryetari Lulzim Basha.
“Ne po kalonim nga disfata në disfatë, nga dështimi në dështim. Për shkak të një drejtuesi të papërgjegjshëm. Lulzim Basha e konsideroi këtë parti si pronë private”, tha Berisha.