Ish-presidenti i Republikës së Shqipërisë, Bamir Topi ka qenë i ftuar mbrëmjen e sotme në “Top Story”.
Topi është rikthyer pas në kohë kur ishte president teksa ka rrëfyer bisedën e fshehtë me Berishën.
Bamir Topi: Nata e 20 korrikut. Bëhet fjalë për 15 vite më parë, ngjarjet kulmore krijojnë dominant. Mbaj mend tensionin, pritshmëria që njeriu ka, duke vlerësuar që nuk ishte vetëm halli im, por edhe maxhorancës. Shikoja një tension që i kishte përfshirë të gjithë. S’kishte rrugë tjetër veç zgjedhjeve të parakoshme. Duhej një president mbi palët, për t’i bërë presion maxhorancës për të mos aluduar për pushtete të rëndësishme. Në rast se krijon probleme të forta, presidenti mund të ushtrojë presion që maxhoranca e ka të vështirë të tërhiqet. Ky presion nuk egziston më. Gjithçka duhet analizuar në kontekstin e konjuktuar të kohës. Zoti Nano aspirtonte të bëhej president. Di që zoti Nano e shprehu publikisht ëndrrën e tij presidenciale.
Ai iu drejtuar selisë së PS-së, kur i kërkoi Ramës kandidimin e tij. Problemi ishte nëse PS do t’i jepte mbështetje. Do kaloj në retrospektivë, isha kryetar i grupit parlamentar, s’isha në ëndërr. Ishte vetë Berisha, në një mbrëmje të janarit të vitit 2007 në një bisedë konfidenciale, hapi bisedën e nevojës për një president të sigurtë, se ndryshe do rrezikohej mandati qeverisës. Ai tha duke parë mënyrën e funksionimit në parlament, tha se askush më shumë se ti s’mund ta realizojë atë numër.
